1 Samuel 8:3 - Sharanahua: Diospan Tsain

³ Ascafia furunfocai apa cuscara inima. Samuel nocon Ifo Diosi tanashara cuscacai ahuun furun rafutan huaafo inima. Pui fusti shinanquin futsafo fomannifo pui paratama fiishcaquin. Futsan ato yoiquin isca huani, —Un futsa chaca hua cuscan man yoicuma un mato pui inainran, —ishon yoiaiton nan Samuel furun rafutan nan pui fiinifo. Ahuara iconmafia nanscara yoinifo.

1 Samuel 8:3 ပူးပေါင်းရင်းမြစ်များ

Éxodo 18:21

Ascafia nanno min yora nocofunufo mapo sharayafo isharamisifo catonhuun. Nan Diosihuunoa shinansharamisi catonhuun. Ascatan a pui ichapa fipaiquin futsafo paranmisi cuscarafo catonyamahuu. Nan isharamisifoti ato catonhuun. Nanscarafo maton yorafo Diosihuunshon tapimamisifo inonfo. Futsanfoanri mil yorafo tapimamisi icaino futsanfoan cien maton yorafo ato tapimamisi icaino futsanfoan cincuenta aton tapimamisi icaino futsafoanri maton yorafo mucu rafuti tapimamisi inonfo.

1 Timoteo 3:3

Paumisi iyamacain sutumitsapaimisiri iyamacain futsafo yoisharapaimisi icain. Ascataricai fochishmanantananpaimisi iyamacain pui noipaimisiri iyamacain. Nan cuscara nocofunu catonhuun icoinra huafo ato cushumisi inon.

1 Timoteo 6:10

Ascatan pui noicaquin chaca futsa futsatapafo huatirofo. Atirifi fasi pui fipaicaquin Jesús cachiquiri huacoincani. Asca huacanashu aton nomuran omitsiscai finacoinmisifo.

1 Samuel 12:2

Natianfin man niaifoyaquin nantofin mato yonoiquin. Unfin mun anifoan. Nan un anifoataima non natianrifi un mato sharahuamisi. Nan un pushcoaitian un maton niaifo imisi. Uhuun facufori mato fu iquin.

1 Samuel 2:35

Ascatan un Israelifo cufinshomisi futsan catoin ua tana sharacoinon. Uhuun nomuran un shinain cuscan arifi nannori shinanon. Un nan yonoai cuscan huanon ahuun shunifori un shara huashoshquin nan aton niaifo un catoanton ato yonosharashquin. Nanfoan aton caifofo ua cufinshomisifo ipanaca.