1 Samuel 7:6 - Sharanahua: Diospan Tsain

⁶ Ascano Samuelqui fucashon unu fishon maiqui ocanifo nan chaca huafo cuscan shatufain nan nocon Ifo Diosi fusti tanapaiyaifo cuscan ismanifo. Nan shafatari piqui tununifo nocon Ifo Diosi cufinyanan yoiquin isca huanifo, —Upa Diosin, min nocon Ifo non mia chaca huamisiran, —ishon cufinnifo. Nantian Mizpa mai ano Samuel Israelifo aton niaifo ini.

1 Samuel 7:6 ပူးပေါင်းရင်းမြစ်များ

Génesis 31:49

Afanan Labán yoini isca huaquin, —Non afanan oinonanyamafiaino Upa Diosin noco cushusharanon, —ishon yoini. Ascan nanno anu futsa anuni Mizpa.

Salmos 42:3

Shafatisho yafi yamutishon un uaimisi. Ascan ua noicasmacaquin ua cashu mutsama huacaquin yoiafo isca huaquin, —¿Min Diosi ranimun? —ishon ua yoimisifo.

Salmos 62:8

Uhuun yorafoan, nocon Ifo Diosi nantishotapiquin icoinra huafafaincahuun. Nocon Ifoan nocon cushumisi. Ascan maton nomuran man shinain cuscan nocon Ifon nantifi yoicahuun.

Lucas 15:18

Asca natian un afanan uhuun Upa ari cai. Nocoshon uhuun upa un yoitiro isca huaquin, ‘Upan, un Dios chaca huafain miari chaca huamisi.

1 Samuel 1:15

Ascaiton Anapan cumani, —Niaifo, uncai pauinma. Unfin fasi shinancoinquin. Nan un shinain cuscan un nocon Ifo Diosi yoia.

1 Samuel 10:17

Nantian Samuel atoqui nocoshon ahuun caifo Israelifo cunani nocon Ifo Diosi ahuun ointaifi mai Mizpa ano aqui funonfo.

1 Samuel 12:10

Ascano nantian nocon shunifo fasi uaiyanan nocon Ifo Diosi cufinnifo isca huaquin, “Ifon, non mia chaca huafain non mia cachiquiri huashon nan caifo futsafoan aton diosfo rami huashon anunifo nan Baal yafi futsari rami huashon anunifo Astartéran huanifo non ato cufinmisi. Ascafia min natian nan noco noicasmafoqui min noco numaiton non mia fusti cufinfain nan min noco yonoai cuscan non mia ashoiran,” ishon nocon shuni Israelifoan cufinnifo.

1 Samuel 7:15

Ascan nan Samuel niyoatian Israelifoan aton niaifo ipaoni. Ascashon ahuuscatirofomainquin Samuel ato tapimani.