1 Samuel 7:10 - Sharanahua: Diospan Tsain

¹⁰ Ascano nan Samuel chashoanun facu cooaino Filisteofo atoqui chaimashta funifo Israelifo rutupai. Ascafia nantian nocon Ifo Diosin nai turuimaqui fasi achacoin huaiton nicain Filisteofo fasi ratucoincani ichonifo. Ascaiton oincaquin Israelifoan ato mufaintan atirifi Filisteofo ato rutunifo.

1 Samuel 7:10 ပူးပေါင်းရင်းမြစ်များ

Josué 10:10

Nantian mustairitanifo nocon Ifo Diosin ato shinanchacamanaino ahuuscamain acanicain tsoacain tapinima. Ascashon Israelifoan Gabaón anoa ato ichapacoin rutunifo. Atirifi ichoaifoan Israelifoan fai Bet-horón anoshon ato mufainifo ato rutushcaquin. Gabaón anoashu chai Azeca yafi Maceda anoshon ato mufain rutunifo.

1 Samuel 12:17

Man man tapia nan non nocon fanafo non chituaitiancai oi fuama. Ascafia un nocon Ifo Diosi na shafata cufin turuimafain oi fumanon. Nocon Ifo Diosin nan acai cuscahuunshon man tapitiro man fasi Diosqui chaca hua niaifo futsa noiquin. Nan niaifo futsacai Dioscoinmaran, —ishon Samuel ato yoini.

1 Samuel 14:15

Ascatan Filisteofo ratuaifoanno ahuun ranushumuafo nan cushumisifori nantifi ratucoinifo. Ascatapaiyaino nantian nocon Ifo Diosin yonoai cuscan fasi mai nayanaiyainacahuani. Ascaino fasi ratui finacoinnifo.

1 Samuel 2:10

Tsoan nocon Ifo Diosi noicasmaquin aqui chaca huaiton Diosin ato omitsiscamacoin. Diosin nan icanoshon ahuun tsain curush turuica nicatsa ato shatumashquin. Nocon Ifo Diosin nantifi manifoti anoafo ato yoipacushquin isharamisifo iyamarai chaca huamisifo. Nan Diosin catoan fusti ato niaifocoin iishquin. Diosin ahuun curush nan niaifo inain. “Nanfin mato niaifocoin. Uhuunshon mato iquiniran,” ishon nocon Ifo Diosi nan niaifohuunoa nantifi yorafo yoishquiran, —ishon Anapan cufini.

1 Samuel 7:11

Nan Mizpa mai anoshon Filisteofo mufaincatan Israelifoan ato rutunifo Bet-car chaimashtashon ato rutunifo.