1 Samuel 4:3 - Sharanahua: Diospan Tsain

³ Rutunain unucatan Israelifo afanan nan icafoanno nasonifo. Nantian aton niaifofo yocanonannifo, —¿Ahuuscaimun nocon Ifo Diosin noco cushuamaquin Filisteofoan noco rutunonfo? —icashu yocanonannifo. Ascatan yoinifo isca huaquin, —Nan Silo anoshon Diospan casho ahuun tsain a muran noco fushononfo. Nan non Filisteofo fu rutunaintian nan casho non fotiro. Nanton noco numanon nan nocon noicasmaifoan noco ahuusca huanonfoma, —ishon yoinifo.

1 Samuel 4:3 ပူးပေါင်းရင်းမြစ်များ

2 Timoteo 3:5

Futsafo fu ichananfiaquicai Diosin ahuamamishti atiro cuscan icoinra huacanima. Ascacun nanscarafo fu iyamahuu.

Hebreos 9:4

Nan Dios cufiti cunu muran nantio cuno chashna faca facaitsa sharaishtan puraishica ini. Ascashon nan cufiti camaqui ahuara coanifo ahuun coin tipoaino nohuu inin sharayacoin inon. Nan coin tipoaino Dios ismapaonifo a cufifafaincaquin. Nannori cashon uhuapa ini. Nan ihui casho cuno chashnanpan puraishacafo faca facaitsa sharacoin ini. Nan cashon muranri tutso chashna faca facaitsa muran misi torumishti anucaquin, —Mananran, —huapaonifo. Nan casho muranri Aarón ahuun poquiti yafi toquiri sapa rafu nanunifo. Nan poquiti casho muran nanuataifoma Upa Diosin charo shachoco onihuariscatani. Ascashon nan toquiri sapa rafuqui Upa Diosin Israelifo yonopaiyai cuscan ato cunushoni.

Josué 6:6

Nan nicatan Josué ahuun yorafo ichanan huani nocon Ifo Diosin yonoa cuscan ato tapimani isca huaquin, —Nan casho muran Diospan tsain nanua iyainifoancahuun. Mato rucu nan siete nocofunufo nocohuunshon nocon Ifo Diosi cufinmisifo manuti tsomashu fotiroforan, —ishon Josué ato yoini.

Josué 7:7

Ascashon Josué nocon Ifo Diosi cufini isca huaquin, —Nocon Ifo Diosin, min nantifi iquina. ¿Ahuuscai min noco unu Jordán anoshon nuquiri ihuuamun Amorreofoan noco rutunonfo? ¡Ohuashta! Non unimacuana unu Jordán ocuma futsa non nitua shara icuana.

Josué 7:8

¡Ohua! Nocon Ifo Diosin, nan Hai ano icafoan noco yora ichofain nocon yora atirifo rutuafo. ¿Ascacun natianmun uhuun yorafo un raquiri yoitiroquin?

1 Pedro 3:21

Noé unu faitahuaino shashohuan muran iquiashucai asanima. Faitahuan nocofianocai Noé yafi ahuun yorafo shashohuan murannoashu asanifoma. Nanscarifiai futsan noco unu muran iquimanaino funishon non yorafo ismai Cristo Jesús noco funimani non afu ipanon. Nan unu muran non iquiainocai non yorafo ismaima noco caya non nashimana afanan choshta inonma. Ascatamarocon non ato ismai nocon chaca soashocun Cristofin noco funimaniquin noco numashqui. Ascan non afanan shinanchacatamarocon non Jesushuunshon shinansharanon Dios fu ipashquin.

Judas 1:5

Un natian mato cunushoni cuscan man man tapiyofianicun un afanan mato yoi futsai nan chacafohuunoa man tapinon. Nocon Ifoan nantifi nocon shunifo Egipto anoshon caimafianicun atirifiton icoinra huayamaifoan nan icoinra huafomati chipo namaqui cuyoi.

1 Samuel 1:24

Ascano nan ahuun facun afanan shoma ayamaino ichananti pushu ano nan nocon Ifo Diosi cufimisifo ano furun iyoni. Moi funu ahuun fari rafu non fustiya iyofain harina veintidós litro fofain fimi unu fichi tutso muran foni.

1 Samuel 14:18

Nan nicatan Saúl Ahías yoini isca huaquin, —Nan Diosin ahuun cashon ua fishoriscatahuun, —ishon yoini. Nantian Israelifoan Diosin ahuun cashoya inifo.

1 Samuel 4:2

Ascano nantian Filisteofo Israeli icafoanno nocoriscatanifo. Ascashon ato rutunifo. Cuatro mil Israeli ranushumuafo Filisteofoan ato rutunifo.