1 Samuel 4:18 - Sharanahua: Diospan Tsain

¹⁸ Nan Diospan cashohuunoa yoiaiton nicain Elí ahuun tsaoti pushu rasi shoi caincaiti anoashu manansca pacuni. Anifocoinfiashu fasi ihuucoin ini. Nanscashu pacui tutucumutan naani. Naanfin Israelifoan aton niaifo cuarenta fari ipaoniquin.

1 Samuel 4:18 ပူးပေါင်းရင်းမြစ်များ

Salmos 42:10

Ua noicasmacaquin ua cashu mutsama huaifoanno un mua nan uhuun ointi chachia mutsa un mua. Shafatisho ua yocafo isca huaquin, “¿Min Diosi ranimun?” —ishon ua cashu mutsama huamisifo.

Salmos 42:3

Shafatisho yafi yamutishon un uaimisi. Ascan ua noicasmacaquin ua cashu mutsama huacaquin yoiafo isca huaquin, —¿Min Diosi ranimun? —ishon ua yoimisifo.

1 Samuel 4:13

Israeli icanoashu Benjamín ahuun funa nocoaitian Elí fai cusumunri tsaonshon oinni. Fasi ratuquin shinanni ahuara chaca nan Diospan casho finoanmainquin. Ascano nan nocofunu nocotan Israelifoan finoan cuscan ato tapimani. Nan nicacani nantifi pushu rasi anoafoan fasi oiashcafinin ato manocani uainifo.

1 Samuel 4:17

—Filisteofoan nocon caifo ichofain nocon caifo ichapacoin rutuafo. Min facu rafuri Ofni yafi Finees man rutuafo. Ascano nan Filisteofoan Diospan casho man fiaforan, —ishon yoini.

1 Samuel 4:19

Ascano nan Elí ahuun facu Finees ahuun ahuin facu nanua cainti sunuin. Nan ainfoan nican Filisteofoan Diospan casho fifain Elí fafahuan man naa ahuun funu man rutuafo nicaino nan samamashta facu isinhuani afanancai tunutiro inima.