1 Samuel 31:7 - Sharanahua: Diospan Tsain

⁷ Ascan Israelifo chaimashta machi ocuma futsa nan unu Jordán fari oaiquirinoa icafoan oiainfono aton ranushumuafo Filisteofoan rutuafo nanforifi icafoannoashu ichonifo. Ascan Filisteofoan nan Israelifo pushu rasi ano icafo aton pushufo muran iquinifo.

1 Samuel 31:7 ပူးပေါင်းရင်းမြစ်များ

1 Samuel 13:6

Ascano nantian Israeli nocofunufoan oinnifo Filisteo ranushumuafo fasi ichapacoin ichanannifo ato rutui fuushcaquin. Nan ichanainfoan oincani fasi ratucoinifo. Ascashu mahua quini muran atirifi onupaifain chacafo muran onupaifain mai quini uhuapa muran onupaicain toquirininhuanfo cachori onupaicain pozo muranri onupainifo.

1 Samuel 13:7

Ascano atirifoan unu Jordán pocufainifo nan mai Gad yafi Galaad ano ichonifo. Ascano Saúl Gilgal ano nituyoni. Atirifi ranushumuafo fu nituaino fasi ranushumuafo ratucoincani tari tarinifo.

1 Samuel 31:6

Ascan nan shafata Saúl furu rafu non fustiya ahuun oinmati non ahuun ranushumua futsafori nannoashuri naanifo.

1 Samuel 31:8

Ascan iyoconaino Filisteofo funifo Israeli naafo ano aton ahuarafo fiishcaquin. Ascan nantian machi Gilboa ano Saúl yafi furu rafu non fusti aton caya fuchinifo.