1 Samuel 31:6 - Sharanahua: Diospan Tsain

⁶ Ascan nan shafata Saúl furu rafu non fustiya ahuun oinmati non ahuun ranushumua futsafori nannoashuri naanifo.

1 Samuel 31:6 ပူးပေါင်းရင်းမြစ်များ

2 Samuel 1:1

Ascan Saúl naano David fu rafuafo futan Amalecitafo rutuquin anaititan pushu rasi Siclag ano nasofuracani. Nanno osha rafuyonifo.

2 Samuel 1:12

Ascan fasi Saúl yafi furu Jonatán non Israeli ranushumua futsafo nanfo nocon Ifo Diosina. Filisteofoan nantifi Israelifo rutunifo David futan a fu icafo nicai manocani fasi uainifo shafatan piqui tununifo.

1 Samuel 11:15

Ascashu nantifi Israelifo Gilgal ano fonifo nocon Ifo Diosi ointaifi yoiquin isca huanifo, —Saulfin nocon niaifoquin, —ishon yoinifo. Ascatan nantian inafo rutunifo aton Ifo Diosi ato fu rafucoiaifoanno ismanonfo. Ascashu Saúl fu nantifi Israelifo fasi unimacoinnifo. Ascacatan fusinifo.

1 Samuel 12:17

Man man tapia nan non nocon fanafo non chituaitiancai oi fuama. Ascafia un nocon Ifo Diosi na shafata cufin turuimafain oi fumanon. Nocon Ifo Diosin nan acai cuscahuunshon man tapitiro man fasi Diosqui chaca hua niaifo futsa noiquin. Nan niaifo futsacai Dioscoinmaran, —ishon Samuel ato yoini.

1 Samuel 12:25

A mato amapaiyai cuscan huatamarocon man chaca huaiton nan mato niaifo yafi matorifin nocon Ifo Diosin namaquin futsashquinran, —ishon Samuel Israelifo yoini.

1 Samuel 26:10

Non icoinra huatiro nocon Ifo Diosin nia. Nanscarifi ai non icoinra huatiro nocon Ifo Diosin chipo Saúl onaintimaiyamaino un shinan raca chipori futsafo rutuaino arifi natiro iyamarai anifoshtashu natiro.

1 Samuel 28:19

Tsain futsari mia yoi. Funamari nocon Ifo Diosin yonoshquiai cuscan Filisteo ranushumuafoan min non nantifi min ranushumuafori mato rutushquicani. Ascan funamari un icano min facufoya un fu iiquin, —ishon Samuel yoini.

1 Samuel 31:5

Ascaiton oin ahuun oinmati arifi nanscariai ahuun nopuqui afincoin pacuashu naani.

1 Samuel 31:7

Ascan Israelifo chaimashta machi ocuma futsa nan unu Jordán fari oaiquirinoa icafoan oiainfono aton ranushumuafo Filisteofoan rutuafo nanforifi icafoannoashu ichonifo. Ascan Filisteofoan nan Israelifo pushu rasi ano icafo aton pushufo muran iquinifo.