1 Samuel 3:9 - Sharanahua: Diospan Tsain

⁹ Ascashon afanan yoini, —Afanan caashu racatahuun. Nocon Ifo Diosi mia afanan cunaiton cumaquin isca huahuu, “Unquian, Ifon. Ua yoihuun un mia nicanon,” —ishon yoihuun. Ascano Samuel afanan ahuun racati ano racani.

1 Samuel 3:9 ပူးပေါင်းရင်းမြစ်များ

Éxodo 20:19

Ascashon Moisés yoinifo isca huaquin, —Nocon Ifo Diosin noco yoiyai cusca minfin noco tapimatiro nan noco yoipaiyai cusca non ashonon. Ascan nocon Ifo Diosi afin noco yoiaino non nariscatiroran, —ishon Israelifoan Moisés yoinifo.

Daniel 10:19

Ua yoia isca huaquin, —Ratuyamahuu. Diosin mihuunoa fasi shinansharaiquin. Natian min nomuran shinansharahuu. Ahuarahuunoa shinain ratuyamahuu, —ishon ua yoia. Ua anori huaino un mua uncai afanan shaca fuai mutsa aima. Un muuquin shara huaquin un yoia isca huaquin, —Uhuun niaifon, mian mutsismana. Ascan mian yoipaiyai cuscan ua yoihuu, —ishon un cuma.

Hechos 9:6

Funihuu. Pushurasi Damasco ano catashquin nannoshon min ahua huaimancain un mia yoinon, —huani.

Josué 5:14

—¡Ma! Un mato fu iyamacain nan mato noicasmaifo fucai un icama. Unfin Ifo Diosin ahuun oinmatifoan nai murannoa aton niaifoquin, —ishon yoini. Nan nicatan Josué maiqui fuoshopacuni ahuunoa shinansharaiton yoini. —Mian yonopaiyai cuscan un mia ashoriscatiro. ¿Ahua mian yonopaimun? —ishon yocaiton.

1 Samuel 3:10

Ascano afanan nanscari huaquin nocon Ifo Diosin aqui oshon cunani, —¡Samuel! ¡Samuel! —huaiton, —Unquian min oinmati. Ua yoihuun un mia nicanon, —ishon cumani.

1 Samuel 3:8

Ascatan afanan nocon Ifo Diosin Samuel cunaino funinacahuan Elí racano afanan cani. Ascashon yoini, —¿Mian cunamun? —ishon yocaiton. Nantian Elí tapirisca huatani nocon Ifo Diosin nan furonanfacu Samuel cunacun.