1 Samuel 3:4 - Sharanahua: Diospan Tsain

⁴ Samuel nanno racano nocon Ifo Diosin cunani. “Samuel,” huaiton. “Unquian. Unfin nunoquin,” huatan.

1 Samuel 3:4 ပူးပေါင်းရင်းမြစ်များ

Génesis 22:1

Ascano chipo Diosin Abraham ahuara yoini man icoinra huacoinnamainquin oinshquin. Ascashon cunani, “¡Abraham!” huaiton. —Unfin nunoquin, Ifon, —ishon cumani.

Génesis 22:11

Ascafia samamashtacoin Diospan oinmati nan a fu nai muran icaton cunainifoanni, —¡Abraham! ¡Abraham! —huaiton. —Unfin nunoquin, —huaiton.

Éxodo 3:4

Ascashu Moisés nan nii cuyamamishti shocoa chaimashta cani oinshquin. Ascano samamashta Moisés nan chii uruai murannoa Diosin ahuun oi nicani yoiquin isca huaiton, —Moisés, Moisés, —huaiton. —Unquian. Un nuno, —ishon Moisés cumani.

Hechos 9:4

Pacuquin ahuun oi nicani, —Saulo, Saulo, ¿Ahuuscaquimun mian omitsisca huaiquin? —huaiton.

1 Corintios 12:28

Ascan nantifi nan Jesús icoinra huafoti Upan Diosin noco catonni ahuunshon ahuara futsa futsa huaquin non ashonon. Cristo nuno mai ano niyoatian futsafo catonni afu rafunonfo. Ascashori ato nichini ahuun tsain ato yosifoanfafainonfo. Cristo afu rafumisifo catonquin tau huani. Ascashon chipo Diosin tsain yoimisifo catonfain Diosin tsain tapimamisifo catonfain tsoan oinyomisima cuscara ahuunshon atirofo catonfain Jesushuunshon isinincaifori cayahuamafain futsafo ashofafainmisifo catonfain futsafo yonosharamatirofori catonfain futsafoan nan tsain futsaman ahuun Yoshin Sharahuunshon yoitirofo nanfori Diosin ato catonni. Nantifi catoan ahuunshon yorafo ashonsharanonfo.

1 Samuel 3:5

Funinacahuan Elí racano ichoni. —Min ua cuna. ¿Ahua min yopaimun? —ishon yocaiton. —Ma. Uncai mia cunama. Caashu racatahuun, —ishon yoini. Ascano afanan caashu racani.