1 Samuel 3:21 - Sharanahua: Diospan Tsain

²¹ Nan Silo pushu rasi ano Diospan ichananti pushu muran nocon Ifo Diosin Samuelqui nocopaoni ahuun tsain tapimashquin. Ascano nocon Ifo Diosin Samuel tapimani cuscan ahuun caifo Israelifori tapimapaoni.

1 Samuel 3:21 ပူးပေါင်းရင်းမြစ်များ

Génesis 12:7

Ascaino nantiari nocon Ifo Diosin Abramqui nocoshon yoini isca huaquin, —Nan mai Canaán nantifi un min funafo inainran, —ishon yoini. Asca huaiton nicashon Abram toquirifo putsainini nanno Diosi aqui oshon oinni Abram aicho huani.

Génesis 15:1

Ascashon chipo nocon Ifo Diosin Abram ahuun namapa cuscara yoiquin isca huani, —Abram, ratuyamahuun. Un mia cushui mia ahuusca huanonfoma. Unfin mia fasi shara huaiquin, —ishon yoiaiton.

Números 12:6

—Na un mato yoiai cusca ua nicasharacahuun. Uhuun tsain yoimisi mato muran ica umain ahuu cuscaraqui un yoitiro. Ahuun namapanhuunshon iyamarai namapan cuscarahuunoa un yoipaiyai cusca un nan yoimisi.

Hebreos 1:1

Uhuun yoramishtichin un mato cunu fomai man tapinon. Upa Diosin noco shunifo yoipaiyai cuscan ahuun tsain yoishomisifo yoiyopaoni ato tapimanonfo. Namapahuunshon ato yoifain namapan cuscarahuunshon ato yoifain ahuun nai oinmatihuunshon ato yoifain ahuun oicoinin ato yoipaoni.

1 Samuel 10:19

Diosin fasi mato shara huamisi man omitsiscaino nan man ahuara chaca futsa finoainton nanscarafohuunoa Diosin mato numani. Diosin mato sharahuapaifiaiton man potapaifain niaifo futsa man catonpai. Ascashon man yoiquin isca huai, “Natian non niaifo futsa funanon noco nanton yononon,” ishon man yoia. Natian nocon Ifo Diosi ahuun ointaifi ichanancahuun. Nan manifoti uqui fucahuun, —ishon Samuel ato yoini.

1 Samuel 3:1

Ascano nantianri nan furonanfacu Samuel Elí yononi cuscan huashoni. Nanscahuahuunshon Samuel nocon Ifo Diosi ashomisi. Nantiancai nocon Ifo Diosin ahuun tsain tsoan tapiyonima. Fusti rasiton ahuun tsain nicanifo. Aton namapanhuunshon Diosin ato tapimapaiyai cuscan fusti rasi tapinifo.

1 Samuel 3:10

Ascano afanan nanscari huaquin nocon Ifo Diosin aqui oshon cunani, —¡Samuel! ¡Samuel! —huaiton, —Unquian min oinmati. Ua yoihuun un mia nicanon, —ishon cumani.

1 Samuel 3:4

Samuel nanno racano nocon Ifo Diosin cunani. “Samuel,” huaiton. “Unquian. Unfin nunoquin,” huatan.

1 Samuel 9:15

Nan Saúl nocoataima nocon Ifo Diosin Samuel yoini isca huaquin,