1 Samuel 3:19 - Sharanahua: Diospan Tsain

¹⁹ Nan Samuel yosiatian nocon Ifo Diosin a fu ipaoni. Nocon Ifo Diosin Samuel inonpacoai yoini cuscan nanscaracoin finonni.

1 Samuel 3:19 ပူးပေါင်းရင်းမြစ်များ

Génesis 21:22

Ascan nantiari niaifo Abimelec futan ahuun ranushumuafo aton niaifo Ficol Abrahamqui noconi. Abimelec Abraham yoiquin isca huani, —Min ahuara huaiti Diosin mia ashomisi.

Génesis 28:15

Un mi fu. Nan min cai cuscan un mia cushui. Un mia nuno nan mai ano nasoin. Un mia yoiyoni cuscan min huaiton un mia potapacunacamaran, —ishon nocon Ifoan Jacob yoini.

Génesis 39:2

Nocon Ifo Diosin ahuun Yoshin Shara José fu rafuni. Ascano José nan Egipcio Potifar yonomasharani. Ascashon ahuun pushu muranri imani.

Génesis 39:3

Nocon Ifo Diosin José fu rafucun Potifar oinni. Ascaiton José acai cuscan oian nantifi sharacoin ini.

Mateo 1:23

Nanfoan cunuquin isca huani, “Nicapon. Ainfo funuoma tsoa afu iyamafiamisi facu nanushquin. Caianno furonanfacu iishquin. Ahuun anufin Emanuel (Onicoinnin tsainman Diosin nofu icaran) ishquiquin,” ishon Dioshuunshon inon pacoai yoimisi cununi.

Lucas 1:28

Ascano aqui nocoshon yoini, —Un miqui oa. Diosin oian min fasi sharacoincun. Mia fasi noicoin. Nocon Ifo mifu icaran, —ishon yoini.

Lucas 1:80

Ascashu nan Juan facu pushcocoin sharani. Ascashon shara fustisi tanapaiquin ahuun nomuran Diosin tsain shara nanucoinni. Tsoa istaipama anori iyopaoni ahuun caifo nan Israelifo Diosin tsain yoiquin tau huaitian.

Lucas 2:40

Nannoashu facu mutsisipacoin yosini. Shafatifi ahuamamishti tapicoinfafaini. Diosin ahuun noiquin shara fusti huamafafainni.

Lucas 2:52

Ascashu Jesús pushcosharacoinni. Diosin ahuun shinanpan shinanmasharamanaino mapo sharayacoin ini. Ascacun Apa Diosin ahuunoa shinansharaquin yoini isca huaquin, —Uhuun facun Jesús fasi sharacoin. Un ahuun noicoinran, —ishon yoini. Yorafoan arifi Jesushuunoa nannorisi shinannifo.

2 Corintios 13:11

Uhuun tsain unutaqui un mato yoisharapai. Jesús cuscara shara fusti ipaicahuun. Ua nicasharacapun. Nannorisi shinancahuun. Isharacahuun. Man ascaino Diosin matohuun noicoincain mato imasharanon. Ascashon maton ointi unimamanon matofu ishon.

2 Corintios 13:14

Nocon Ifo Jesucristo matohuun ramapai. Nocon Diosiri matohuun noicoin. Diospan Yoshin Shara matofu rafupacunon. Nanti. Pablo

2 Timoteo 4:22

Nocon Ifo mifu icain. Mia shara huashofafainon mihuun ramapainon. Nanti. Pablo

1 Samuel 10:7

Nan un mia yoia cuscan min aino nocon Ifo Diosi mi fu ishquin. Nan min ahuara shara huapaiyai cuscan nocon Ifo Diosin mi fu rafuiquin.

1 Samuel 12:2

Natianfin man niaifoyaquin nantofin mato yonoiquin. Unfin mun anifoan. Nan un anifoataima non natianrifi un mato sharahuamisi. Nan un pushcoaitian un maton niaifo imisi. Uhuun facufori mato fu iquin.

1 Samuel 16:18

Futsan nica cuscan yoini. —Niaifon, mun nican Isaí pushu rasi Belén ano ica ahuun facu futsan manuti fasi tapisharacoian tsain shara yoifafainni. Ascanori nan pushcohuai ahuaqui ratuyamacain mutsisipa shara ahuun fuso fupishtacoin. Nocon Ifo Diosi a fu icaran, —ishon yoini.

1 Samuel 18:12

Ascan nocon Ifo Diosin afanan Saúl fu itama David fu ini. Ascashu Saúl Davidqui ratuni.

1 Samuel 18:14

Nocon Ifo Diosin a fu rafuaitian nantifi David acai cuscan shara ipaoni.

1 Samuel 18:5

Ascan nantifi Saúl yonoa cuscan David nanscacoin huashoaiton oin Saúl aqui unimaquin yoini, —Natian min ranushumuafoan aton niaifo patasharinoa min iquiran, —ishon yoini. Saúl David niaifo hua oincani nantifi Israelifo unimanifo. Ascanori ranushumuafoan niaifofori unimani.

1 Samuel 2:21

Ascan nocon Ifo Diosin Ana shara huani furonanfacu rafu non fusti inanfain ainfacu rafuri inanni. Nantianri Samuel nocon Ifo Diosi apaiyai cuscan huashopaoni.

1 Samuel 2:26

Ascashu nan furonanfacu Samuel yosisharani. Nocon Ifo Diosin oiain cuscan yorafoanri oinnifo Samuel furonanfacu shara ini. Ascacun ahuunoa yoisharanifo.

1 Samuel 9:6

Nannori yoiaiton ahuun oinmati cumaquin isca huani, —Nunofin nocofunu nocon Ifo Diosi tanasharacoian icaquin. Nantifi yorafoan nan nocofunuhuunoa yoisharamisifo. Nantofin Diosihuunshon inonpacoai cuscan yoimisi nanscaracoin finoinquin. Non ahuun pushu ano canoncahuun. Nantoraca noco yoitiro raniamain non burrofo fuchitiroquin, —ishon ahuun oinmatinin Saúl yoini.