1 Samuel 3:10 - Sharanahua: Diospan Tsain

¹⁰ Ascano afanan nanscari huaquin nocon Ifo Diosin aqui oshon cunani, —¡Samuel! ¡Samuel! —huaiton, —Unquian min oinmati. Ua yoihuun un mia nicanon, —ishon cumani.

1 Samuel 3:10 ပူးပေါင်းရင်းမြစ်များ

Josué 5:14

—¡Ma! Un mato fu iyamacain nan mato noicasmaifo fucai un icama. Unfin Ifo Diosin ahuun oinmatifoan nai murannoa aton niaifoquin, —ishon yoini. Nan nicatan Josué maiqui fuoshopacuni ahuunoa shinansharaiton yoini. —Mian yonopaiyai cuscan un mia ashoriscatiro. ¿Ahua mian yonopaimun? —ishon yocaiton.

1 Samuel 12:2

Natianfin man niaifoyaquin nantofin mato yonoiquin. Unfin mun anifoan. Nan un anifoataima non natianrifi un mato sharahuamisi. Nan un pushcoaitian un maton niaifo imisi. Uhuun facufori mato fu iquin.

1 Samuel 3:11

Ascashon nocon Ifo Diosin Samuel yoini isca huaquin, —Un samamashta Israel mai ano acai cuscan nicacani fasi ratucoinshquicani.

1 Samuel 3:15

Nan nicatan afanan Samuel nanno racani nan shafai chain. Ascashu funamari nocon Ifo Diosi pushu shoi caincaiti ano fupushoni. Nocon Ifo Diosi yoia cuscan Samuel ratuquicai Elí yoipainima.

1 Samuel 3:21

Nan Silo pushu rasi ano Diospan ichananti pushu muran nocon Ifo Diosin Samuelqui nocopaoni ahuun tsain tapimashquin. Ascano nocon Ifo Diosin Samuel tapimani cuscan ahuun caifo Israelifori tapimapaoni.

1 Samuel 3:8

Ascatan afanan nocon Ifo Diosin Samuel cunaino funinacahuan Elí racano afanan cani. Ascashon yoini, —¿Mian cunamun? —ishon yocaiton. Nantian Elí tapirisca huatani nocon Ifo Diosin nan furonanfacu Samuel cunacun.

1 Samuel 3:9

Ascashon afanan yoini, —Afanan caashu racatahuun. Nocon Ifo Diosi mia afanan cunaiton cumaquin isca huahuu, “Unquian, Ifon. Ua yoihuun un mia nicanon,” —ishon yoihuun. Ascano Samuel afanan ahuun racati ano racani.