1 Samuel 28:15 - Sharanahua: Diospan Tsain

¹⁵ Ascan Samuel Saúl yoini isca huaquin, —¿Ahuuscai mian fucash huaquin ua funimanamun? —ishon yocaiton. —Uhuun nomuran un fasi omitsiscai. Filisteofoan noco rutupai fuafo. Un nocon Ifo Diosi yocapai non ahuusca huatiromainquin. Uacai afanan ahua yoima. Ahuun tsain yoimisihuunshon ua yoiamafain uhuun namapan ua yoiama. Ascan un mia cuna un atiro cuscan mian tapimanon, —ishon Saúl yoiaiton.

1 Samuel 28:15 ပူးပေါင်းရင်းမြစ်များ

Salmos 51:11

Mimaquishon ua potayamafain min Yoshin Shara umaquinoa nichiyamapun.

Mateo 25:41

Ascashon nan ua icoinra huamafo tiri futsa niafoan un ato yoiqui isca huashquin, “Manfin ua chaca huamisiquin. Un fonainfiaitocai man ua pimamisima. Un nomiaitoricai man ua ahuara ayamamisima. Un matoqui nocofiaitocai ua oinyamafiamisishaquin man ua pimayamafain un sahuutiromafiacuri man ua sahuumamisima. Un isinincaitoricai man ua cushumisima. Ua cunu muran iquimanafoanno cai man ua oincamisima. Ascacun umaquinoashu fotacahuun. Nan yoshin chaca Satanás yafi afu yoshin chaca futsafo Upa Diosin ato chi urumanhuan itishara huashoan nannori mato potai. Nannoashu nanfoya man omitsiscapashquin,” ishon un ato yoiaiton.

1 Samuel 18:12

Ascan nocon Ifo Diosin afanan Saúl fu itama David fu ini. Ascashu Saúl Davidqui ratuni.

1 Samuel 28:11

Nannori nicatan ainfoan cumani, —¿Tsoan ahuun yoshin un mia cunashotiromun? —huaiton. —Ua Samuel cunashohuun, —ishon Saúl yoini.

1 Samuel 28:16

—¿Nocon Ifo Diosin natian mia noicasmaquin mia pota ahuuscai mian yocamun?

1 Samuel 28:6

Ascatan nocon Ifo Diosi cufini ahua huatiromainquin tapishquin. Ascafiainocai nocon Ifo Diosin Saúl cumanima. Ahuun namapan yoiamafain ahuara futsafohuunoa yoiamafain Diospan tsain yoimisifoanricai Saúl tapimanima.

1 Samuel 28:8

Nicatan Saúl ahuun sahuuti nan niaifoshon sahuumisi pucashon sahuuti futsa sahuuni tsoan onanonma. Yamu nan ainfo icano nocofunu rafu fu cani. Ahuun pushu muran iquicun Saúl yoini isca huaquin, —Un nocofunu nani fu tsainpai. ¿Ascan ahuun anu un mia yoi min ua ahuun yoshin funimashotiromun? —ishon Saúl yoiaiton.