1 Samuel 26:5 - Sharanahua: Diospan Tsain

⁵ Ascan Saúl osha ano yamunacucahuanaino David yafi ahuun yora futsafo funaiquimashta aqui caiton oinonfo. Ascan oianfo Saúl yafi Nerpan facu Abner nan ranushumuafoan aton niaifo nanno oshanifo. Israeli ranushumuafoan ato tarati hua. Nanfori man oshafainnifo.

1 Samuel 26:5 ပူးပေါင်းရင်းမြစ်များ

1 Samuel 17:20

Ascan iyoconaino futsan chashoanfo cushuaino apan yonoa cuscan ahuun ochifo tushu foshoicai burropan catucamaqui cani. Israeli ranushumuafoan Filisteofo rutui foaifono David atoqui nocoquin nican oi ashcafinin yoinifo, —Non Filisteofo rutui canon, —ishon yoinifo.

1 Samuel 17:55

Ascan David Goliat ano caiton Saúl oinquin Israeli ahuun ranushumua niaifoan ahuun anu Abner yocani isca huaquin, —Abner, ua tapimahuun. ¿Na pushco David tsoan facumun? —ishon yocaiton.

1 Samuel 26:4

Ascan ahuun yora futsafo nichini Saúl icano David tapimashquin.

1 Samuel 9:1

Nanno Israeli mani futsa nan Benjamín ahuun funafo ato muran nocofunun ahuun anu Cis ini. Apa ahuun anu Abiel. Nan Abiel apa ahuun anu Zeror. Nan Zeror apa Becorat. Nan Becorat apa ahuun anu Afíah. Nan Afíah apa Benjamín ini. Nan Cis nocofunu shara ini. Nantififain ahuunoa yoisharamisifo.