1 Samuel 26:25 - Sharanahua: Diospan Tsain

²⁵ Nicatan Saúl cumani isca huaquin, —Uhuun facushta David, nocon Ifo Diosin mia shara huashopainon. Min chipo fasi ahuarafo shara huaicai. Iconcoin min nantifi ahuara finoincairan, —ishon Saúl yoini. Asca huatan David caino Saúl ahuun pushu ano nasoni.

1 Samuel 26:25 ပူးပေါင်းရင်းမြစ်များ

Génesis 32:28

—Min anu afanan Jacob itiroma. Un mia anu futsa tuqui huai. Min Diosinna fipaiyai cuscan mia inan. Ascan nocofunuhuunoa fipaiyai cuscan nanri mia inan. Ascan man min finoncoian. Ascano natian min anu Israel iishquiran, —huaiton.

Romanos 8:35

Tsoancai noco Cristomaqui imatiroma noco noinonma. Non omitsiscacain nocon nomuran fucash huafain non Jesushuunoa yoiaiton noco omitsiscamafain non fonicain nocon sahuuti yopacain noco musumafain noco rutupaifain noco huafiaquicai noco Cristomaqui imatirofoma noco noinonma.

Romanos 8:37

Noco asca huafafainfiaifoan Jesús noco noiaino ahuunshon non ato finoncointiro.

1 Samuel 24:19

Tsoa futsacai mia cuscarama. Un mia chaca huamisi cuscan un futsa noicasmaquin un chaca huacun ua rutupaiquin ua rutu cuana. Ascan mincai futsa cuscarama. Mian ahuusca huama. Min ua shara huahuunshon nocon Ifo Diosin miari shara huapainon.

1 Samuel 24:20

Ascan natian mun tapian min chipo nocon caifo Israelifoan nocon niaifo iishquin. Min nocon niaifo icaino nantifi isharashcani.

1 Samuel 24:22

Nannori nicatan David cumani isca huaquin, —Mian yoia cuscan nocon Ifo Diosin noco nicaino un min yorafo non min funafo rutushquimaran, —ishon yoini. Ascan Saúl ahuun pushu ano nasotan David yafi a fu rafuafoya nan aton cushuti ano fonifo.