1 Samuel 26:11 - Sharanahua: Diospan Tsain

¹¹ Nocon Ifo Diosin Saúl catonni. Nocon Ifo Diosin ua shinanmasharaino uncai Saúl rutunacama. Ascafia ahuun ashi yafi ahuun botica unu ayati non fiiain canon. Non aya ichonon, —ishon David yoini.

1 Samuel 26:11 ပူးပေါင်းရင်းမြစ်များ

2 Samuel 1:14

—¿Ahuuscai ratutama nan nocon Ifo Diosin catoan niaifo inon min rutua? —ishon David yoini.

2 Samuel 1:16

Rutuataima David pushco Amalecita yoini isca huaquin, —Min chaca hua cuscahuunoa man min nai. Nan min tsainhuunshofin non mia rutuicai. Minfin noco tapimaquin isca hua, “Unfin nocon Ifo Diosin catoan mun rutua,” ishon min noco yoia. Ascan natian man min nairan, —ishon David yoini.

Romanos 12:17

Mato chaca huafiainfoan ato copiyamacahuun. Aton ointaifi isharacahuun.

Romanos 12:19

Uhuun yoramishtichin, futsan mato chaca huafiainton ato copiyamacahuun. Upa Diosin yoini, “Mato chaca huaifofin unfin ato onaintimaicai,” ishon Diosin yoini. Diosifin chacafo ato onaintimashquiquin. Mancai ato onaintimaima.

1 Pedro 3:9

Ascan futsafoan mato chaca huafain mato roafiaiton ato copitamarocon ato shara huacahuun. Nanscara Diosin noco yononi. Non futsafo shara huaiton oinquin Upa Diosin noco fasi shara huashquin. Noco Diosin catonni noco shara huaquin.

1 Samuel 12:3

Unfin natian nuno noco Ifoan Diosi ointaifi non nocon niaifoan nan nocon Ifo Diosin catoan ahuun ointaifin un nia. Ua yoicahuun. ¿Unmain tsoan moi onunfain tsoan burro onunfain un tsoan paramisiquin? ¿Ascashomain un yorafo omitsiscamamisiquin? ¿Ascatari tsoan ua pui inanmun un mato fomanmisiquin ratoran futsa chaca huashquin? Un ratoran futsa chaca huamainquin ua yoicahuun un nanfo shara huanon, —ishon Samuel nannori ahuun caifo Israelifo yocani.

1 Samuel 24:12

Nocon Ifo Diosin tapian un mia chaca hua iyamaraimain min ua chaca huamisiquin. Mian chaca huahuunshon nocon Ifo Diosin mia onaintimatiro uncai mia ahuusca huanacama.

1 Samuel 24:4

Ascan David fu rafuafoan fashushu yoinifo, —Natian min Saúl rututiro mia afanan fucash huanonma. Na shafatan nocon Ifo Diosin mia yoia isca huaquin, “Un Saúl miqui nichishquin min apaiyai cuscan min huanon,” —ishon ahuun yorafo David yoini. Ascaino funaiquimashta acachori mushofusho tsoan nicayamaino David Saúl ahuun sahuuti uhuapamashta cunotinin shatuni.

1 Samuel 24:6

Ascan David a fu rafuafo yoini isca huaquin, —Nocon Ifo Diosin man tapia un Saúl ahuun sahuuti shatuama shara icuana. Nocon Ifo Diosin Saúl catonni. Afin uhuun niaifoquin.