1 Samuel 26:10 - Sharanahua: Diospan Tsain

¹⁰ Non icoinra huatiro nocon Ifo Diosin nia. Nanscarifi ai non icoinra huatiro nocon Ifo Diosin chipo Saúl onaintimaiyamaino un shinan raca chipori futsafo rutuaino arifi natiro iyamarai anifoshtashu natiro.

1 Samuel 26:10 ပူးပေါင်းရင်းမြစ်များ

Génesis 47:29

Shafan futsa muuni man samamashta nai. Ascashon ahuun facu José yoimani. José ocun apa yoini, —Upa, min ua noiquin min mucuman uhuun quishiqui ua muuhuu. Asca huaquifin min ua ismaicai un mia yoiai cuscan min huaicain. Min ua shara huaquin nuno Egipcio mai ano ua mai huayamahuu.

Salmos 37:10

Nan samamashta chaca huamisifofin afanan yamai. Ato funafiaquicai afanan tsoan ato fuchipacunacama.

Salmos 37:13

Ascafia Ifon Diosin tapian chipo nan chaca huamisifo samamashta ato onaintimashquin. Nanscarafoquin Diosin atoqui shuchi.

Lucas 18:7

Asca Diosicai a niaifo chaca cuscarama. Ascatamarocon fasi noco nicapai. Noco nicaicain atsanatiroma. A catoanfoan shafatishon yafi yamutishon cufiaifo cuscan ato nicacasmaima.

Romanos 12:19

Uhuun yoramishtichin, futsan mato chaca huafiainton ato copiyamacahuun. Upa Diosin yoini, “Mato chaca huaifofin unfin ato onaintimaicai,” ishon Diosin yoini. Diosifin chacafo ato onaintimashquiquin. Mancai ato onaintimaima.

Hebreos 10:30

Ascan man non tapia Diosin aficoin yoiquin isca huani, —Tsoan futsa chaca huaiton unfin ato onaintimaiquin, —ishon yoini. Afanan Diospan tsain cununi isca huaquin, —Nocon Ifoan ahuun yorafoan chaca huaifoan nanfori Diosin ato onaintimashquiran, —ishon cununi.

Hebreos 9:27

Ascan nantifi yorafo non nai futsushquin. Noncai nofiri yoitiroma ahuutianmain non naicain. Diosin fustiton yoitiro. Naashu nantifi non aqui nocoaiton niyoshon non amisi cuscan noco yoishquin. Noco yoiano nan Jesús icoinra huafoti afu ipasharatirofo. Nan icoinra huamisifoma ato omitsiscapanacafo muran potashquin.

1 Samuel 24:12

Nocon Ifo Diosin tapian un mia chaca hua iyamaraimain min ua chaca huamisiquin. Mian chaca huahuunshon nocon Ifo Diosin mia onaintimatiro uncai mia ahuusca huanacama.

1 Samuel 24:15

Ascan nocon Ifo Diosin tapian min cayacafi shinanyamarai uncai mihuunoa chaca huama. Tsoan chaca huacun nocon Ifo Diosin onaintimatiro. Aafin uhuun numamisiquin. Ua numatiro mian rutunonma, —ishon David yoini.

1 Samuel 31:4

Ascan Saúl naaquin ahuun oinmati yoini isca huaquin, —Mun nai. Na Filisteofocai nocon Ifo Diospan yorama samamashta uqui nocoaino tau huaquin ua omitsiscamafain ua rutushquin. Uncai atohuunoashu napaima. Ascan min nopun ua rutuhuu, —ishon Saúl yoini. Ascaino ahuun oinmati fasi ratucoinquin rutunima. Ascafiaino Saúl aficoin ahuun nopu cunoquiri fosoancufoan aficoin aqui pacuashu naani.

1 Samuel 31:6

Ascan nan shafata Saúl furu rafu non fustiya ahuun oinmati non ahuun ranushumua futsafori nannoashuri naanifo.