1 Samuel 24:4 - Sharanahua: Diospan Tsain

⁴ Ascan David fu rafuafoan fashushu yoinifo, —Natian min Saúl rututiro mia afanan fucash huanonma. Na shafatan nocon Ifo Diosin mia yoia isca huaquin, “Un Saúl miqui nichishquin min apaiyai cuscan min huanon,” —ishon ahuun yorafo David yoini. Ascaino funaiquimashta acachori mushofusho tsoan nicayamaino David Saúl ahuun sahuuti uhuapamashta cunotinin shatuni.

1 Samuel 24:4 ပူးပေါင်းရင်းမြစ်များ

Salmos 57:1

Uhuun Diosin un miqui oa min ua cushunon. Ascacun uhuun ramapaihuu, ua shinanpun. Natian ahuarafoan ua omitsisca huamapai. Nan tacara facumishti ahuan putaon muran onutiro ato cushuquin. Nanscarifiai un miqui oa min ua cushusharanon.

1 Samuel 24:10

Minfin ointiroquin un mia rutupaiquin mia rutu cuana. Na ramashta quini murannoa nocon Ifo Diosin yonoa cuscan min tapiyamaino un nannoa mia oian. Mia chaca huapaiquin un mia acuana. Uhuun yora futsafoan ua yoia, “Rutuhuun,” ua huafiaifoanno un mia ahuusca huapaiquima. Un ato cumaquin isca hua, “Nocon Ifo Diosin Saúl catonnicun uhuun niaifo un mupacunacamaran,” ishon un ato yoia.

1 Samuel 24:18

Icon na shafata mian fasi shara hua. Nocon Ifo Diosin ua na quini muran nichia mian rutupaiquin rutu cuanafiashon mian rutuama.

1 Samuel 26:23

Rato yoran nocon Ifo Diosin tanasharacoianfo ato shara huashoshquin. Na shafata nocon Ifo Diosin ua tapipaiquin yonoa un mia rutupaiquin rutu cuana. Nocon Ifo Diosin mia catonnicun nocon niaifo inon. Ascan un mia ahuusca huama.