1 Samuel 24:12 - Sharanahua: Diospan Tsain

¹² Nocon Ifo Diosin tapian un mia chaca hua iyamaraimain min ua chaca huamisiquin. Mian chaca huahuunshon nocon Ifo Diosin mia onaintimatiro uncai mia ahuusca huanacama.

1 Samuel 24:12 ပူးပေါင်းရင်းမြစ်များ

Génesis 16:5

Asca huaiton nicaquin Saraipan Abram yoini, —Uhuun oinmatinin natia uhuunoa shinanchacai. Ufin yoiyamua, “Min uhuun funun ahuun ahuin futsa itiroran,” ishon. Ascafia uhuunoa shinanchacafafainni. Minhuun nua. Mian chaca hua cuscan nocon Ifo Diosi tapicoian. Ascacun mia Diospan asca huapainonran, —ishon Saraipan funu yoini.

Génesis 31:53

Min shota Abraham yafi uhuun shota Nacor aton Diosin noco oin. Nanton noco oin non shara huatanainton, —ishon Labán yoini. Jacob cumani isca huaquin, —Uhuun upa Isaac Upa Diosi nicacoinmisi. Urifi Diosihuunoashu mian yoiai cuscan un aicai, —ishon Jacob yoini.

2 Samuel 22:48

Tsoan ua chaca huaifin min ato ua copishoniquin. Min curushhuunshon un caifo futsafo finoan uhuun yonomati inonfo.

Romanos 12:19

Uhuun yoramishtichin, futsan mato chaca huafiainton ato copiyamacahuun. Upa Diosin yoini, “Mato chaca huaifofin unfin ato onaintimaicai,” ishon Diosin yoini. Diosifin chacafo ato onaintimashquiquin. Mancai ato onaintimaima.

1 Pedro 2:23

Futsafoan roafiainfoannocai pusinima. Omitsisca huafiainfoancai ato yoiquin isca huanima, —Un mato chipo copishquiran, —ishocai yoimisima. Ascatamarocon Apahuunoa shinanquin isca huani, —Upan man min uhuunoa onancoian. Nanscarifi huaquin min ato onancoian. Ascan min ato ashquiai cuscan iconcoinran, —ishon shinanni.

1 Samuel 20:1

Ascano David Naiot Ramá mai anoashu Jonatán icano ichoni. Nocoshon yocani, —¿Un ahua chaca huamun? ¿Un min upa ahua chaca huamun ua rutupaiyai? —ishon David Jonatán yocaiton.

1 Samuel 24:15

Ascan nocon Ifo Diosin tapian min cayacafi shinanyamarai uncai mihuunoa chaca huama. Tsoan chaca huacun nocon Ifo Diosin onaintimatiro. Aafin uhuun numamisiquin. Ua numatiro mian rutunonma, —ishon David yoini.

1 Samuel 26:23

Rato yoran nocon Ifo Diosin tanasharacoianfo ato shara huashoshquin. Na shafata nocon Ifo Diosin ua tapipaiquin yonoa un mia rutupaiquin rutu cuana. Nocon Ifo Diosin mia catonnicun nocon niaifo inon. Ascan un mia ahuusca huama.