1 Samuel 20:13 - Sharanahua: Diospan Tsain

¹³ Ascan un nicai mia uhuun upa chaca huaiton un mia tapimayamaino min ichocun nocon Ifo Diosin ua fasi asca huapainon. Nocon Ifo upa fu ipaoni cuscan natianri mi fu ica.

1 Samuel 20:13 ပူးပေါင်းရင်းမြစ်များ

Mateo 28:20

Ascashon nantifi un mato yonoa cuscan huafain yorafori yosicahuun icoinra huafain ua nicasharanonfo. Unfin matofu iquicai. Ascashu nan un afanan oaitian un mato furi ipanacaran, —ishon noco Jesús yoini. Nanti.

Filipenses 4:9

Ahuara un mato yoia cuscan huafain un mato tapimana cuscan huacahuun. Ascashon ahuara futsan un acaiton man oian cuscan macafiri acahuun. Man ascaiton oinquin Diosin maton nomuran isharamatiro. Ascashu matofu ipashquin.

Josué 1:5

Min niyoaitiancai tsoan mia nitu huatiroma. Un Moisés fu imisi cuscan un mi fu ipanaca. Uncai mia potapacunacama. Nan mian yopaitian un mi fu iishquin.

1 Samuel 10:7

Nan un mia yoia cuscan min aino nocon Ifo Diosi mi fu ishquin. Nan min ahuara shara huapaiyai cuscan nocon Ifo Diosin mi fu rafuiquin.

1 Samuel 17:37

Nocon Ifo Diosin ahuun curushhuunshon ua numa ua masharo rafutan rutunonma. Nan masharonunhuan mutsisipafiashon nocon Ifo Diosin ua ahuun curushu inainno ua masharonun piama. Ascan nan Filisteon cuyamasofia Upa Diosin numatiro ua rutunonma, —ishon David yoini. Nannori yoiaiton nicaquin Saúl yoini, —Aqui catahuun. Nocon Ifo Diosi mi fu caiquin, —ishon yoini.

1 Samuel 18:12

Ascan nocon Ifo Diosin afanan Saúl fu itama David fu ini. Ascashu Saúl Davidqui ratuni.

1 Samuel 19:3

Ascan min onuano un fasi funununnoashu uhuun upan fu un tsainquin mihuunoa. Asca nan ua yoiai cuscan un mia tapimanon, —ishon yoini.

1 Samuel 20:12

Nocotan Jonatán yoini isca huaquin, —Nonfin Israelifoquin nocon Ifo Dioshuunshon un mia icon yoi. Ascan osha rafu finontan uhuun upa mihuunoa shinan cuscan un tapishquin. Un nica mia ahuusca huayamaiton un mia tapimatiro.

1 Samuel 20:14

Ascan un niyoa chain nocon Ifo Diosin ua noia cuscan minrifi ahuunshon ua shara huafafainhuun. Mia noicasmaifo nocon Ifo Diosin cuyoaitian uhuun yorafo shinanhuun. Ato shara huafafainhuun, —ishon Jonatán yoini.

1 Samuel 3:17

—¿Nocon Ifo Diosin mia raquiri yoiamun? Nantifi ahuun tsain ua yoihuun. Mian fomainton nocon Ifo Diosi mia fasi onaintimapainonran, —ishon yoini.