1 Samuel 2:18 - Sharanahua: Diospan Tsain

¹⁸ Ascan Samuelcai Elí facufo cuscarama. Nocon Ifo Diosin Samuel amapaiyai cuscan huani. Ascatan Israelifohuunoa nocon Ifo Diosi cufinmisifoan sahuumisi cuscaran nanscaracoinri Samuel sahuumani. Sahuuti ahuun anu lino sahuuni.

1 Samuel 2:18 ပူးပေါင်းရင်းမြစ်များ

1 Samuel 14:3

Ascano Saúl fu Ahitob furun Ahías nan ahuun caifofohuunshon Diosi cufinshomisifo nanfoansi sahuuti futsa cuscaran sahuutirofo. Ahías nan sahuuafo cuscaran sahuua ini. Ahitob a fu nanua nocofunu ahuun anu Icabod. Ahitob apa Finees ahuun shota Elí ipaoni. Nan Elí pushu rasi Silo ano nocon Ifo Diosi fu tsainti pano pushu muranshon ahuun yorafohuunshon Diosi cufinshomisi ini. Israelifoancai tapinima nan Jonatáncai ato fu inima.

1 Samuel 2:11

Ascan cufintan Elcana yafi Ana aton pushu Ramá mai ano nasonifo. Ascan Samuel Elí nan Israelifohuunoa aton Ifo Diosi cufinmisi fu nituaino apa yafi ahua fu nasonima. Shafatifi ichananti pushu muran nocon Ifo Diosi yonopaiyai cuscan Samuel huashomisi.

1 Samuel 2:28

Un min shuni Aarón catonni min yorafohuunoa ua cufifain toquirifo putsamuinia anoshon inin shara uhuunoa coafain uhuun ointaifin un yonoa cuscan sahuuti futsafo sahuunon. Un yononi min caifoan ua ina inainton min shunifo nan Leví ahuun funafo nan inafo ua inanon.

1 Samuel 3:1

Ascano nantianri nan furonanfacu Samuel Elí yononi cuscan huashoni. Nanscahuahuunshon Samuel nocon Ifo Diosi ashomisi. Nantiancai nocon Ifo Diosin ahuun tsain tsoan tapiyonima. Fusti rasiton ahuun tsain nicanifo. Aton namapanhuunshon Diosin ato tapimapaiyai cuscan fusti rasi tapinifo.