1 Samuel 19:7 - Sharanahua: Diospan Tsain

⁷ Ascan Jonatán apa yoia cuscan nicashon David cunani nantifi tapimashquin. Jonatán apa ano David iyoni. Nan iyopaoni cuscan David Saúl fu afanan ini.

1 Samuel 19:7 ပူးပေါင်းရင်းမြစ်များ

Génesis 31:2

Jacob oian Labán aqui ipaoni cuscan atama aqui shinanchacani.

Éxodo 4:10

—¡Ohua, Ifon! Uncai tsain sharatiroma. Unfin atiatitsaquin. Un facuashu nanscara un inacahuana. Uhuun tsaincai niaifo tsain cuscarama. Tsoancai uhuun tsain ua nicananpaitiroma. Uhuun tsaincai sharamafinquin. Unfin funainquimashta fusti tsaintiroquin. Un min oinmatifiashocai un yorafo ichanaintian cayacafi yoisharatiromaran, —ishon yoini.

1 Samuel 16:21

Ascano David aqui nocoshon nan Saúl yononi cuscan David aani. Saúl Davidqui unimacain ahuun noicoinni. Ascan David ahuun oinmatiri a fu ica ini.

1 Samuel 18:10

Iyoconaino nocon Ifo Diosin Saúl afanan shinansharayamaiton oinquin yoshin chaca Saulqui nocoaitocai Diosin afanan nitu huanima. Ascan nan yoshin chacanun Saúl omitsiscamani. Nan yoshin chacahuunoashu Saúl tsain isininpaton nan nisofoan yoiaifo cuscan yoini. Nantianri David fuyamisi cuscan ahuun manuti Saúl manushoni. Ascan Saúl ahuun ashi tsomashon David rutupaifiaqui David ichoacuncahuanaiton canuni. Pushu cunuacua ahuun ashin tsacani. Saúl ahuun nomuran shinanquin isca huani, —Un natian uhuun ashin David tsacaquin nasharafain cunuqui tsacamai naanon, —ishon shinanni. Ichoacuncahuanaiton canuni. Ascahuatan afanan nanscari huaquin Saúl ahuun ashin David rutupaiquin canuni.

1 Samuel 18:13

Ascashon Saúl yonoa cuscan David afanan a fu itiro inima. Nan a fu ahuun pushu ano itama mil ranushumuafo aton niaifo ini. David ranushumuafo aton niaifo sharacoincun ahuun ranushumuafo iyoni nan noicasmaifo ato potanon.

1 Samuel 18:2

Ascan nantian Saúl yononi cuscan David afanan apan pushu ano nasotama Saúl pushu ano ipaoni.

1 Samuel 19:6

Ascaiton nicaquin Saúl furu cumani isca huaquin, —Diosin ua nicaino un mia icon yoi. Uncai David ato rutumanimaran, —ishon yoini.

1 Samuel 19:8

Ascan chipo afanan Filisteofo funifo Israelifo fu rutunanshcaquin. David arifi ranushumuafo fu cani Filisteofo fu rutunanshquin. Ato rutuqui finacoiyainfoan oin Davidqui ratucani ichonifo.