1 Samuel 19:5 - Sharanahua: Diospan Tsain

⁵ ¿Man min ointiaquimanamun Filisteo cuyamasocoian David rutuyamacun aatofin Goliat David rutu cuanaquin? Ascafia David Filisteo rutuaino nonfin Israelifo Diosinhuunshon fasi Filisteo ichapafo rutua nococai ahuusca huafoma. Ascaiton oin min fasi unima. ¿Ascan ahuuscai min David rutupaimun? Aatocai ahua chaca huamisima. ¿Min ipaitsi David rutupairan? —ishon Jonatán apa yoini.

1 Samuel 19:5 ပူးပေါင်းရင်းမြစ်များ

Éxodo 14:13

Nannori huafiaifoan Moisés ato cumani isca huaquin, —Ratuyamacahuun. Nocon Ifo Diosin noco numai cusca nan fusti shinancahuun. Noncai afanan Egipciofoan noco mufainaifotian non ato afanan oinnacama. Nocon Ifo Diosin noco numai cusca man samamashta oincai.

Mateo 27:24

Ascaiton Pilato oian tsoan nicapaitama fasirocon mucai finaifoan. Masu fitan aton ointaifi muchoquimuni. Muchoquimutan ato yoini, —¡Oincapon! Uhuun nuama. Un Jesús cainmapaifiainocai man cainmapaima. Manrocon fasi rutupai. Ascan matohuunfi nuuaquin, —ishon ato yoiaiton.

Mateo 27:4

—Unfin chaca huaquin. Jesuscai ahua chaca huayamafiamisicun un ato parashon achimanaran, —ishon ato yoiaiton. Cumanifo, —Ahuuscaquitsi min noco anori yoiyoa. Noncai ascara tapipaima. Mififin min shinanquin, —huaifoan.

Juan 15:25

Diosin tsain cununi cuscan mun acoinna. Diosin tsain uhuunoa cununi isca huaquin, “Un ahua chaca huayamafiacun ua noicasmacaniran,” ishon uhuunoa cununi.

Hechos 20:24

Ascafia un nocon Ifo Jesús yonoshoyamaino un nipaitiroma. Ua yonomapaiyai cuscan nan fusti un shinain. “Nantifi yorafoti Upa Diosin atohuun ramapai atohuun noicoin nan tsain shara ato yoitacahuun,” ua huani. Ua yononi cuscan un anaitipai.

Hebreos 2:3

Diospan nai oinmatifoan ato yoini cuscan nicacasmaifoan ato onaintimani. Nanscarifi huaquin Furun nan nocon Ifo Jesús noco yoini cuscan non nicayamacaiyaiton mimacai huaquin noco onaintimashqui. Ascan nantorifi yoini nocohuunoashu chipo nashquiai. Ascashon noco chaca soashonano non afu ipanon. Ascano yoiaiton nicacashon afu rafumisifoan nannori noco tapimani.

1 Samuel 11:13

Nannori yoifiaifoan Saúl ato yoiquin isca huani, —Nonfin Israelifoquin. Na shafata nocon Ifo Diosin noco numa. Ascan noncai tsoa futsa rututiromaran, —ishon Saúl ato yoini.

1 Samuel 19:6

Ascaiton nicaquin Saúl furu cumani isca huaquin, —Diosin ua nicaino un mia icon yoi. Uncai David ato rutumanimaran, —ishon yoini.

1 Samuel 20:32

—¿Ahuuscai min David rutupaimun? ¿Ahua chaca huamun naanon? —ishon Jonatán apa yoiaiton.

1 Samuel 28:21

Ascan ainfoan oiainno fasi Saúl ratucoinquin yoini, —Niaifon, mian yonoa cuscan mun aa. Ua rutufiacuanafono mian yonoa cuscan mun aa.