1 Samuel 19:10 - Sharanahua: Diospan Tsain

¹⁰ Ascan ahuun ashin David tsacapaiquin curushcain tsacani. Asca canufainnicai David ichoacuncahuanaino ashi cunuhuu nitani. Ascaino nan yamu David ichoni Saúl rutunonma.

1 Samuel 19:10 ပူးပေါင်းရင်းမြစ်များ

Salmos 124:7

Puiya trampa muran iquiashu caicaintiro cuscan norifi non samamashta carisca noco noicasmamisifoan noco ahuusca huanonma. Nan trampa cuscaran chacanaino non ichoa.

Salmos 34:19

Nan ratora futsan Ifo Diosi yonoa cuscan huamisifofia nantori ahuara chaca ichapa finontiro. Ascafia Ifo Diosifin nantifi chaca finoan cuscan numaiquin.

Salmos 37:32

Nan yora chacafoan nocon Ifo Diosin tanamisifo cushucashon ato rutupaishquicani.

Mateo 10:23

Ascan pushurasi futsa anoshon mato omitsisca huaifoanno pushurasi futsa ano ichotacahuun. Ascacun un mato cayacafi yoi. Ua nicasharacahuun. Israel pushurasifo atirifi ari man cataima un afanan matoqui nasoshquin.

Lucas 4:30

Ascafia potapaifiaquicai tsoan anima. Jesusrocon ato rahuin yocofaini atomaquinoashu cafiaitocai tsoan puusanima.

Juan 10:39

Nicacashon afanan Jesús achipaifiainfoanno atomaquinnoashu caitocai tsoan achinima.

Hebreos 11:34

Ascan atirifi niaifo chacapan futsafo yonocun ato chi uru muran potamafiafo Diosin ato cushushara coinni coononfoma. Atirifi ato nopun rutupaifiaquicai tsoan ato anima. Ascano atirifi shaca fuacai isininfiaifoan Diosin ato mutsismani. Ascanocai nan ato noicasmaifoan ahuun ranushumuafo atoqui fufiaifoan nanfoancairocon Diosin curushhuunshon ato ichonifo ato ahuusca huanonfoma.

1 Samuel 18:10

Iyoconaino nocon Ifo Diosin Saúl afanan shinansharayamaiton oinquin yoshin chaca Saulqui nocoaitocai Diosin afanan nitu huanima. Ascan nan yoshin chacanun Saúl omitsiscamani. Nan yoshin chacahuunoashu Saúl tsain isininpaton nan nisofoan yoiaifo cuscan yoini. Nantianri David fuyamisi cuscan ahuun manuti Saúl manushoni. Ascan Saúl ahuun ashi tsomashon David rutupaifiaqui David ichoacuncahuanaiton canuni. Pushu cunuacua ahuun ashin tsacani. Saúl ahuun nomuran shinanquin isca huani, —Un natian uhuun ashin David tsacaquin nasharafain cunuqui tsacamai naanon, —ishon shinanni. Ichoacuncahuanaiton canuni. Ascahuatan afanan nanscari huaquin Saúl ahuun ashin David rutupaiquin canuni.

1 Samuel 19:6

Ascaiton nicaquin Saúl furu cumani isca huaquin, —Diosin ua nicaino un mia icon yoi. Uncai David ato rutumanimaran, —ishon yoini.

1 Samuel 20:33

Cumatamarocon Saúl ahuun ashi furu rutupaiquin tsacani. Asca huaitofin Jonatán tapiniquin iconcoin apan David rutupaiyai.