1 Samuel 18:8 - Sharanahua: Diospan Tsain

⁸ Nan nicain Saúl ahuun nomuran Davidqui shinanchacai. Fasi sinacoinquin yoini isca huaquin, —David paratama diez mil rutuano ainfofo fanaincani. Asca uhuunoa fanaincaquin mil fusti rutuaran icashu fanaincani. Ascano samamashta David aton niaifo imapaitiroforan, —ishon Saúl ahuun nomuran shinanni.

1 Samuel 18:8 ပူးပေါင်းရင်းမြစ်များ

Génesis 37:11

Ahuun ochi iyoafofo fasi aqui sinanifo ato niaifo ishquiai nicacanashu. Ascafiaino apan fasi shinanpaini.

Génesis 37:8

Nannori ato yoiaiton nicacaquin iyoa rananun cumanifo, —¿Minmun nocon niaifo iishquicai noco yonoshquin? —ishon yoinifo. Fasicoin noicasmacoinnifo ahuun namapan ato yoiai cuscan nicacani.

Números 11:1

Nannori ato yoifianicun Israelifoan tsain chipunifo. Ascashon yoinifo, —Nonfin fasi omitsiscaicain, —ishon tsain chipuaifoan nocon Ifo Diosin ato nicain atoqui fasi sinani. Ascashon atoqui chiihuan otani coononfo. Nan pasoato icafori atirifi cooi futsunifo.

Santiago 4:5

Diospan tsain cununi isca huaquin, —Uhuun Yoshin Shara un mato ya rafumaniran, —ishon cununi. ¿Man shinanmun ipaitsi noco cunushoni? Man ahuara futsafo noiaiton oinquin ahuun Yoshin Shara fasi ahuun ointi isincointiro.

1 Samuel 13:14

Ascashucai min non min facufo Israelifo aton niaifo ipatiroma. Aafin shinain cuscan nocon Ifo Diosin nocofunu futsa nan shinain cuscaran catoinquin Israelifoan niaifo inon. Nocon Ifo Diosin mia yonoa cuscacai min aama. Ascan natiafin nocon Ifo Diosin nocofunu futsa catoinquin. Nan ahuun tsain tanapai nanfin Diosin catoin nocon caifoan niaifo inon, —ishon Samuel yoini.

1 Samuel 15:28

Ascan Samuel yoini, —Min uhuun sahuuti fashnua cuscan nanscarifi huaquin Ifo Diosin mia shatumana min afanan niaifo inonma. Upa Diosin min caifo futsa niaifo imanon. Aafin nocofunu sharacai mia finoanquin.

1 Samuel 16:13

Nicatan Samuel moi masho murannoa shuni fitan ochifoan ointaifi chipocuton ahuun anu David ahuun mapofuchi shuni ocaino samamashta Diospan Yoshin Shara Davidqui nocoriscatan ahuun curush inanni. Shafatifi Diospan Yoshin Shara David fu rafuni ahuun curush shara inanni. Asca huatan Samuel afanan ahuun pushu Ramá ano nasoni.

1 Samuel 18:9

Ascashon nan shinanquin Saúl Davidhuunoa shinanchacapaoni. —Ascacun un David oinfafainshquin niaifo inonma, —ishon Saúl shinanpaoni. Saúl fasi shutimitsapaimisicoin ipaoni.

1 Samuel 19:1

Ascano chipo Saúl ahuun facu Jonatán yafi ahuun oinmatifo yoini isca huaquin, —David rutuhuun, —ishon ato yoini. Ascafiaino Jonatán fasi David noicoinquin a rututamarocon apan yoini cuscan David tapimani. —Uhuun upan mia rutupai. Oinfain funamari onutahuun.

1 Samuel 20:31

Nan Isaí facu nianocai min niaifo itiroma. Ascacun ua ihuurisca huaiyohuun un rutunon, —ishon yoiaiton.