1 Samuel 18:25 - Sharanahua: Diospan Tsain

²⁵ Nicashon Saúl ato yoini isca huaquin, —David yoihuun isca huaquin, “Nan cien Filisteofo min rutuafin min uhuun facu fitiroquin. Nan ua noicasmaifofin un copiquin ato rutupaicain,” —ishon Saúl ato yoini. Ascafiashon ahuun nomuran shinan futsani. —David cien Filisteofo rutupaiyaino nanfoancaifin David rutushquicaniquin, —ishon ahuun nomuran shinanni.

1 Samuel 18:25 ပူးပေါင်းရင်းမြစ်များ

Génesis 29:18

Ascan Jacob Raquel noicoinquin ahuun coca yoini isca huaquin, —Siete fari un mia yonoshoni min facu chipocu fiishquin, —huani.

Génesis 34:12

Shinanyamacahuun a man ua yocai cuscan. Man ua paratamacoin yocain cuscan un fasi fipaicoinquin un mato inain. Ascacun ua inancahuun u fu fiananon, —ishon ato yoini.

1 Samuel 17:26

Ascaino David chaima futsa niaton yocani, —¿Tsoan Filisteo rutuamun ahua niaifoan inainquin? Nan Filisteo noco fucash huaquin noco cashu mutsama huaino non rafipaitiro. Manfin Israelifoan ahuun ranushumuafia manfin nan Diosin ahuun yoraforiquin. Nocon Diosifin natian niaquin. ¿Ahuuscai na Filisteo Diospan ahuun yorayamafiashon noco tsain chaca huafain noco musumapaimun? —ishon David ato yoini.

1 Samuel 17:36

Masharo rafu ahuun anu leon yafi oso un rutua. Ascan nocofunu Filisteo Diospan ahuun yorama. Nan masharo rafu un rutua cuscan un nanri rututiro. Manfin ranushumuafo Diosinafoquin. Diosifin niaquin mato cushushquin. Ascafiaino Filisteon mato ratupai.

1 Samuel 18:17

Ascan shafa futsa Saúl David yoini isca huaquin, —Caifo futsafoan nocon Ifo Diosi nicacasmafo. Nanscacun nocon Ifo Diosin ato cuyoshquiai cuscan min ahuunoashu ratushquima nocon ranushumuafo min iyotiro nocon noicasmaifo rutunon. Min asca huaiton oinquin uhuun ainfacu iyoa mia inantiro min ahuin inon. Ahuun anu Merab, —ishon Saúl David yoini. Saúl ahuun nomuran shinanquin isca huani, —Uncai David rutuima. Filisteofo fu rutunancaquin nanfoan David rutucaniran, —ishon shinanni.

1 Samuel 18:24

Ascan David cumai cuscan nan ahuun oinmatifo Saulqui chaninifo.

1 Samuel 19:1

Ascano chipo Saúl ahuun facu Jonatán yafi ahuun oinmatifo yoini isca huaquin, —David rutuhuun, —ishon ato yoini. Ascafiaino Jonatán fasi David noicoinquin a rututamarocon apan yoini cuscan David tapimani. —Uhuun upan mia rutupai. Oinfain funamari onutahuun.