1 Samuel 18:12 - Sharanahua: Diospan Tsain

¹² Ascan nocon Ifo Diosin afanan Saúl fu itama David fu ini. Ascashu Saúl Davidqui ratuni.

1 Samuel 18:12 ပူးပေါင်းရင်းမြစ်များ

2 Samuel 5:10

Ascan nocon Ifo Diosin David fu imisi ahuunshon futsafo iquiquin finacaimisi. A tsoan finontiroma ipaoni.

Salmos 51:11

Mimaquishon ua potayamafain min Yoshin Shara umaquinoa nichiyamapun.

Mateo 25:41

Ascashon nan ua icoinra huamafo tiri futsa niafoan un ato yoiqui isca huashquin, “Manfin ua chaca huamisiquin. Un fonainfiaitocai man ua pimamisima. Un nomiaitoricai man ua ahuara ayamamisima. Un matoqui nocofiaitocai ua oinyamafiamisishaquin man ua pimayamafain un sahuutiromafiacuri man ua sahuumamisima. Un isinincaitoricai man ua cushumisima. Ua cunu muran iquimanafoanno cai man ua oincamisima. Ascacun umaquinoashu fotacahuun. Nan yoshin chaca Satanás yafi afu yoshin chaca futsafo Upa Diosin ato chi urumanhuan itishara huashoan nannori mato potai. Nannoashu nanfoya man omitsiscapashquin,” ishon un ato yoiaiton.

Marcos 6:20

Juan nocofunu shara Dios tanasharamisi niaifon Herodes tapishon cushusharani.

Lucas 8:37

Ascaino Gerasa anoafoan nicacani ratucoincaquin yoinifo, —Nocomaquinoashu catapun, —huaifoanno Jesús shashon nanucaini cani.

Hechos 24:25

Futsafoanri ahuara futsa ato yoini. Upa Diosin noco imasharatiro yoifain ahuuscashomain non chaca huapaiyai cuscan non potatiroquin yoifain Upa Diosin nantifi noco yoishquin ratofomain afu ipatiroquin atirifi omitsiscapanacafo muran focani. Pablonun afohuunoa yoini. Nicai Félix fasi ratuni. —Nanscanon. Nanti. Min natian catiro. Un ahuara futsa huayamaquin un mia afanan cunatiro, —ishon yoini.

Hechos 7:9

Nocon shunifoan aton ushto José noicasmacaquin yora futsa inannifo ahuun rafanan pui fishcaquin. Ascan José Egipto ano iyonifo nanno aton yonomisi inon. Asca huafiainfoan Upa Diosin José potanima. A fu imisi.

1 Samuel 16:18

Futsan nica cuscan yoini. —Niaifon, mun nican Isaí pushu rasi Belén ano ica ahuun facu futsan manuti fasi tapisharacoian tsain shara yoifafainni. Ascanori nan pushcohuai ahuaqui ratuyamacain mutsisipa shara ahuun fuso fupishtacoin. Nocon Ifo Diosi a fu icaran, —ishon yoini.

1 Samuel 16:4

Ascan nocon Ifo Diosin yoia cuscacoin Samuel huani. Belén ano nocoaino niaifo patasharinoafo fasi ratucoincaquin Samuel yoiquin isca huanifo, —¿Ahuara chaca finoanshu min oamun? ¿Ascayamarai unimai min oamun? —ishon yocanifo.

1 Samuel 18:15

Saúl oinni nocon Ifo Dioshuunshon David aca cuscan nantifi shara huaiton oin fasi aqui ratuni.

1 Samuel 18:20

Ascafia Saúl ainfacu futsa ahuun anu Mical fasi David noicoiaiton futsan Saúl tapimanaino fasi unimani.

1 Samuel 20:13

Ascan un nicai mia uhuun upa chaca huaiton un mia tapimayamaino min ichocun nocon Ifo Diosin ua fasi asca huapainon. Nocon Ifo upa fu ipaoni cuscan natianri mi fu ica.

1 Samuel 28:15

Ascan Samuel Saúl yoini isca huaquin, —¿Ahuuscai mian fucash huaquin ua funimanamun? —ishon yocaiton. —Uhuun nomuran un fasi omitsiscai. Filisteofoan noco rutupai fuafo. Un nocon Ifo Diosi yocapai non ahuusca huatiromainquin. Uacai afanan ahua yoima. Ahuun tsain yoimisihuunshon ua yoiamafain uhuun namapan ua yoiama. Ascan un mia cuna un atiro cuscan mian tapimanon, —ishon Saúl yoiaiton.

1 Samuel 3:19

Nan Samuel yosiatian nocon Ifo Diosin a fu ipaoni. Nocon Ifo Diosin Samuel inonpacoai yoini cuscan nanscaracoin finonni.