1 Samuel 18:10 - Sharanahua: Diospan Tsain

^10-11 Iyoconaino nocon Ifo Diosin Saúl afanan shinansharayamaiton oinquin yoshin chaca Saulqui nocoaitocai Diosin afanan nitu huanima. Ascan nan yoshin chacanun Saúl omitsiscamani. Nan yoshin chacahuunoashu Saúl tsain isininpaton nan nisofoan yoiaifo cuscan yoini. Nantianri David fuyamisi cuscan ahuun manuti Saúl manushoni. Ascan Saúl ahuun ashi tsomashon David rutupaifiaqui David ichoacuncahuanaiton canuni. Pushu cunuacua ahuun ashin tsacani. Saúl ahuun nomuran shinanquin isca huani, —Un natian uhuun ashin David tsacaquin nasharafain cunuqui tsacamai naanon, —ishon shinanni. Ichoacuncahuanaiton canuni. Ascahuatan afanan nanscari huaquin Saúl ahuun ashin David rutupaiquin canuni.

1 Samuel 18:10 ပူးပေါင်းရင်းမြစ်များ

Hechos 16:16

Ascatan shafa futsan non afanan cufimisi ano foanno shomaya nocoqui noconi. Futsafoan aton oinmati yoshin chaca ahuun nua. Nanton inonpacoai cuscan yoshin chacahuunshon ato onanshopaoni. Onanmafoan ato yoini. Ato yoiaiton ahuun ifofo pui inannifo.

2 Tesalonicenses 2:11

Ascacufin Diosicai afanan aton nomuran nitun huaima nan paramisifoan ato yoiafo cuscan icoinra huanonfo.

1 Samuel 16:23

Ascan nan yoshin chaca nocon Ifo Diosin nitu huayamaino Saulqui noconi David ahuun manuti manushonaino afanan Saúl ahuun ointi ihuu itamarocon afanan shinansharacoinni. Ascaino nan yoshin chaca amaquinoashu cayoni.

1 Samuel 18:9

Ascashon nan shinanquin Saúl Davidhuunoa shinanchacapaoni. —Ascacun un David oinfafainshquin niaifo inonma, —ishon Saúl shinanpaoni. Saúl fasi shutimitsapaimisicoin ipaoni.

1 Samuel 19:10

Ascan ahuun ashin David tsacapaiquin curushcain tsacani. Asca canufainnicai David ichoacuncahuanaino ashi cunuhuu nitani. Ascaino nan yamu David ichoni Saúl rutunonma.

1 Samuel 19:7

Ascan Jonatán apa yoia cuscan nicashon David cunani nantifi tapimashquin. Jonatán apa ano David iyoni. Nan iyopaoni cuscan David Saúl fu afanan ini.

1 Samuel 19:9

Ascatan David afanan Saúl pushu ano nasoni a manushoshquin ahuun no muran unimanon. Asca huafiaino Saúl pushu muran tsaoshon ashi tsomani nocon Ifo Diosin Saulqui yoshin chaca nichinni nan fucashcoin huanon.

1 Samuel 26:19

Ascan nocon niaifon unfin min oinmatiquin. Un mia yoiai cuscan ua nicasharapun. Nocon Ifo Diosin mia uhuunoa shinanchacamanaiton un nocon Ifo Dioshuunshon un ina rutushoshquin Ifoan uhuun chaca soashonon. Ascan nocofunufoan uhuunoa mia shinanchacamanai nocon Ifo Diosin ato onaintimacoinpainon. Mian uhuun pushu anoshon ichomana afanan uhuun yorafoyashon ichananshon nocon Ifo Diosiricai un ato futan cufintiroma. Un afanan ato futan nocon Ifo Dioshuunoa shinantiroma. Ua futsafoan yoimisifo, “Diosi futsafo afin rami huafo cufinhuun,” ishon ua yoiafo.