1 Samuel 17:54 - Sharanahua: Diospan Tsain

⁵⁴ David Jerusalén pushu rasi ano Goliat ahuun mapo foni. Ascan ahuun ashi non ahuun nopu non ahuun chati ahuun pano pushu muran huani.

1 Samuel 17:54 ပူးပေါင်းရင်းမြစ်များ

Éxodo 16:33

Ascano Moisés ahuun ochi Aarón yoini, —Motica uhuapa fihuu. Nan litro rafu a muran manán nanushquin nocon funafoan chipo oinshquinonfo. Ascano nocon Ifo Diosin noco Egipcio mai anoshon iyoni tsoa istaipamano noco Ifoan noco pima cusca oinshquinonfo. Nan oiainfoanno nocon Ifo Diosin noco shara hua cusca ointiaquimanonfoma, —ishon Moisés Aarón yoini.

1 Samuel 17:53

Ascano ato rutuquin anaititan Israelifo nasonifo nan Filisteofo icafoanno aton ahuara sharafo finifo.

1 Samuel 17:55

Ascan David Goliat ano caiton Saúl oinquin Israeli ahuun ranushumua niaifoan ahuun anu Abner yocani isca huaquin, —Abner, ua tapimahuun. ¿Na pushco David tsoan facumun? —ishon yocaiton.

1 Samuel 17:57

Ascan David nan Filisteo Goliat ahuun mapo tsomano Abner David Saulqui ihuuni.