1 Samuel 17:47 - Sharanahua: Diospan Tsain

⁴⁷ Ascan nopu yafi ashi ascarafocai nocon Ifo Diosin yopaima ahuun yorafo numashquin. Ascan rutunainfoan nocon Ifo Diosin apaiyai cuscan rato futsan shuhuinmatiro. Ascan na shafata min non min caifo nantifi nocon Ifo Dioshuunshon non mato rutuqui futsairan, —ishon David yoini.

1 Samuel 17:47 ပူးပေါင်းရင်းမြစ်များ

Salmos 46:11

Ascacun afanan shinancahuun. Diosin ahuamamishti huafain ahuun curushhuunshon nantifi finoncoian. Nanfin noco fu icaquin. Jacob ahuun Diosin nocon cushumisi.

Romanos 8:31

¿Noco asca huasharaino non raquiri yoitiromun? ¿Upa Diosin noco shara huafafainaino futsafoan noco raquiri huatiromun?

Romanos 8:37

Noco asca huafafainfiaifoan Jesús noco noiaino ahuunshon non ato finoncointiro.

Josué 10:8

Foaifotian nocon Ifo Diosin Josué yoini isca huaquin, —Atoqui ratuyamacahuun. Un yonoa cuscan mato tsoan ahuusca huatiroma. Manfin ato rutuquin futsaicain, —ishon nocon Ifo Diosin Josué yoini.

1 Samuel 14:6

Ascashon Jonatán a fu yonomisi yoiquin isca huani, —Non unu pocufaini canon nan nocon Ifo Diosi nan Filisteofo icoinra huafoma ano non canon. Nanno non oincanon. Nocon Ifoan noco ashoaitoraca non ato rututiro. Ahuara futsacai nocon Ifo Diosi amatima huatiroma ahuun yorafo numanon. Nantofin yora fusti iyamarai yora ichapafohuunshon futsafo finoncointiroquin, —ishon yoiaiton.

1 Samuel 18:17

Ascan shafa futsa Saúl David yoini isca huaquin, —Caifo futsafoan nocon Ifo Diosi nicacasmafo. Nanscacun nocon Ifo Diosin ato cuyoshquiai cuscan min ahuunoashu ratushquima nocon ranushumuafo min iyotiro nocon noicasmaifo rutunon. Min asca huaiton oinquin uhuun ainfacu iyoa mia inantiro min ahuin inon. Ahuun anu Merab, —ishon Saúl David yoini. Saúl ahuun nomuran shinanquin isca huani, —Uncai David rutuima. Filisteofo fu rutunancaquin nanfoan David rutucaniran, —ishon shinanni.