1 Samuel 17:46 - Sharanahua: Diospan Tsain

⁴⁶ Ascan na shafata nocon Ifo Diosin ahuun curush ua inainno un mia rutufain mia tushtui. Na shafatan min ranushumua Filisteo un nantifi maton caya cotocotofo non yoinafo ato pimai. Ascan manifotiton tapitirofo Israelifo fu Diosin ica.

1 Samuel 17:46 ပူးပေါင်းရင်းမြစ်များ

Génesis 40:19

Nanti oshatan Faraón mia cunu murannoa caimashquin mia tushtumashquin. Ascashon mia ihui maratani. Cotocotofoan mia pinon, —ishon yoini.

Salmos 46:10

Ascano nocon Ifo Diosin yoiquin isca huai, —¡Puusiyamacahuun! Unfin Diosiquin ua tapicahuun. Nantifi manifotiton uhuunoa yoishquicani unmain Diosicoincunfin. Unfin nantifi finoncoianquin, —ishon Diosin yoini.

Éxodo 9:16

Ascafiacai un mato asca huama. Un mia niaifo ima un minhuunshon min non min yorafo non nantifi manifoti anoafo un ahuamamishti huatiro cusca tapinonfo.

Daniel 2:47

Ascashon niaifo Nabucodonosor Daniel yoini isca huaquin, —Icon, maton Diosin nantifi dios futsafo finoncoian. Nanfin nantifi niaifofoan aton Ifoquin. Uhuun namapan mian tapimana cuscan min yora ahuara tapiamafo Diosin ato tapimatiroran, —ishon Nabucodonosor yoini.

Daniel 3:29

Ascan un isca huaquin yonoi, “Nan ratoran caifo futsa tsain futsayashu Diosiquin tsain chaca huaifin un aton caya pashcaquin futsaicain naanonfo. Aton pushuri non paon huaquin futsano nanno mani futsushqui. Sadrac non Mesac non Abed-nego aton Diosin ato numa cusca rato diosi futsacai asca huatiromaran,” —ishon niaifo Nabucodonosor yoini.

Mateo 24:28

Ahuara naa nanno cotocotofo nocoriscatiro. Nanscarifiai un nocoaitian ua tanamisifo uqui furiscashcani.

Josué 10:8

Foaifotian nocon Ifo Diosin Josué yoini isca huaquin, —Atoqui ratuyamacahuun. Un yonoa cuscan mato tsoan ahuusca huatiroma. Manfin ato rutuquin futsaicain, —ishon nocon Ifo Diosin Josué yoini.

Josué 4:24

Noco asca huashoaiton nantifi manifotifain tapinonfo nocon Ifo Diosi ahuun curushhuunshon ahuamamishti huatiro. Ascacun norifi nocon Ifo Diosihuunoa non shinansharapacunaca noco yonoai cuscan non anon, —ishon Josué ahuun caifofo yoini.

1 Samuel 14:6

Ascashon Jonatán a fu yonomisi yoiquin isca huani, —Non unu pocufaini canon nan nocon Ifo Diosi nan Filisteofo icoinra huafoma ano non canon. Nanno non oincanon. Nocon Ifoan noco ashoaitoraca non ato rututiro. Ahuara futsacai nocon Ifo Diosi amatima huatiroma ahuun yorafo numanon. Nantofin yora fusti iyamarai yora ichapafohuunshon futsafo finoncointiroquin, —ishon yoiaiton.

1 Samuel 17:44

Afanan Goliat yoini, —Nuri ohuu. Natiafin un mia rutuicai min nami cotocotofo pimafain yoinafori un pimaicai, —ishon Goliat yoini.