1 Samuel 17:43 - Sharanahua: Diospan Tsain

⁴³ Ascashon Goliat David yoini isca huaquin, —¿Min shinanmun un pashnacun min uqui poquitiya oa? —ishon yoini. Ascan ahuun diosifo nan rami huafohuunshon Goliat Davidqui tsain chaca huani.

1 Samuel 17:43 ပူးပေါင်းရင်းမြစ်များ

Génesis 27:29

Mani futsafo min oinmatifo inonfo. Mia ratoconun mai chachishononfo. Min yora mifu nanuafo min ato ifo inon. Afoanri mia ratoconun mai chachishononfo. Tsoan mia chaca huai nanfo Diosin ato chaca huapainon. Tsoan mia shara huai nanfo Diosin ato shara huapainonran, —ishon Isaac yoini.

2 Samuel 9:8

Ascaiton nicaquin maiqui fuoshopacucahuatan Mefi-boset cumani, —Uncai ahuama. Un pashna naa cuscaran. ¿Ascan ahuuscai mian shara huaimun? —ishon yoini.

1 Samuel 14:12

Ascano Filisteofoan ato yoiquin isca huani, —Nuri nocoqui mapui fucahuun. Non mato ahuara tapimanon, —ishon Filisteofoan ato cunanifo. Nannori ato huaifoan nicaquin Jonatán a fu yonomisi yoini isca huaquin, —Nocon Ifo Diosin noco ashoin non ato rutunon. Ucachori mapuinihuun, —ishon Jonatán ahuun yonomati yoini.

1 Samuel 24:14

¿Ahuuscai min Israelifoan niaifofiashon ua rutupaifafainnimun? Uncai ahuama. Pashna nacai ahua itiroma. Nanscarifiai iacai ahuama. Urificai ahuama. ¿Ahuuscai min ua funariai shafa finonmatanma ua rutupaiquin?

1 Samuel 24:15

Ascan nocon Ifo Diosin tapian min cayacafi shinanyamarai uncai mihuunoa chaca huama. Tsoan chaca huacun nocon Ifo Diosin onaintimatiro. Aafin uhuun numamisiquin. Ua numatiro mian rutunonma, —ishon David yoini.