1 Samuel 17:20 - Sharanahua: Diospan Tsain

²⁰ Ascan iyoconaino futsan chashoanfo cushuaino apan yonoa cuscan ahuun ochifo tushu foshoicai burropan catucamaqui cani. Israeli ranushumuafoan Filisteofo rutui foaifono David atoqui nocoquin nican oi ashcafinin yoinifo, —Non Filisteofo rutui canon, —ishon yoinifo.

1 Samuel 17:20 ပူးပေါင်းရင်းမြစ်များ

Lucas 19:43

Mancai tapiama un mato cushunon Diosin ua catonfiacun, tsoancai mato noicasmamisifoan mato ahuuscara huaiton mato numatiroma. Mato chituacuafo nantia iqui furancatan mato rutuquin anaitishocani. Matofo yafi maton facufo rutuqui cuyoshcani. Maton pushufo paoinquin futsui. Diosin ua matoqui nichifiacun man ua nicacasmaiton mato asca huashcaniran, —ishon Jesús ato yoini.

Josué 3:1

Ascatan iyoconaino Josué fu nantifi ahuun caifo Israelifo pushu rasi ahuun anu Sitim anoashu unu Jordán cusumunri fonifo. Nanno pocuafotaima nanno iyopaonifo.

1 Samuel 15:12

Ascano iyoconaino Samuel Saúl funaiton futsan yoini, —Saúl pushu rasi Carmel ano man caa. Nanno toquirifo putsamuinia yorafoan oinonfo Amalecitafo rutuafo cuscan ahuunoa shinansharanonfo. Nanscashu Gilgal ano caran, —ishon yoinifo.

1 Samuel 17:19

Min atoqui nocotiro Saúl yafi ahuun ranushumuafo machi rafu nushumancaya ahuun anu Ela anoa. Nanno Filisteofo rutushcaquin icaforan, —ishon Isaí furun David yoini.

1 Samuel 17:21

Ascan Israeli ranushumuafo yafi Filisteo ranushumuafo chaima oinonnancani rutunanpairianifo.

1 Samuel 17:28

Ascan huaiton iyoaton Eliab nicain chipocun David ranushumuafo fu yoinonainno Eliab aqui sinacoinquin yoini, —¿Ahuuscai min nuno oamun? ¿Natian tsoan na chashoan fustirasi cushuimun? Mun tapian min cacapaimisi. Min nomuranshon min shinanchacaifin. Rutunainfoan oinpai min oaquin, —ishon iyoaton Eliab yoini.

1 Samuel 26:5

Ascan Saúl osha ano yamunacucahuanaino David yafi ahuun yora futsafo funaiquimashta aqui caiton oinonfo. Ascan oianfo Saúl yafi Nerpan facu Abner nan ranushumuafoan aton niaifo nanno oshanifo. Israeli ranushumuafoan ato tarati hua. Nanfori man oshafainnifo.

1 Samuel 26:7

Ascan David yafi Abisai funanmanshta fonifo Saúl ahuun ranushumuafo fu icano fonifo. Funanmanshta focaquin nantifi oshai futsuafo ato fuchini. Saúl oshaquin ahuun mapoquiri ahuun ashi maiqui nichia. Ranushumua niaifo Abner yafi ahuun ranushumuafoan Saulqui tarati huayacucanashu arifi oshanifo.