1 Samuel 16:7 - Sharanahua: Diospan Tsain

⁷ Ascan nocon Ifo Diosin yoini, —Min nocofunu cuyamasoa shara oian. Ascacun min shinan un nan nocofunu catoncun. Nan min shinain cuscari nannori yorafoan shinanmisi. Ascan uncai anori shinanmisima. Uncai Eliab catoanma. Uncai yora ahuun cuyamasoahuunshon un ato catoanma. Yorafoan aton no muran shinainfo cuscan un tapishocai un ato catontiro iyamarai un ato catoinmaran, —ishon nocon Ifo Diosin yoini.

1 Samuel 16:7 ပူးပေါင်းရင်းမြစ်များ

Génesis 4:5

Ascafia Caín inan cuscan oincai Ifon Diosin aqui unimanima. Ascaino Caín fasi sinaquin ahuun fuso fuchopi huaqui futsani.

Salmos 139:2

Un tsaocain nicun man min tapian. Uhuun shinanpan un shinantaima man min tapian.

Lucas 16:15

Onanshon Jesús ato yoini, —“Nafofin sharafoquin” man yorafo huamapaifiaiton Diosin man mato onan. Manfin yorafo paratiroquin “Nafoanfin shara huacaniquin,” ishon yorafo man shinanmapaifiaiton Diosin man mato onancoinshon ahuun nomuran shinain, “Nafoan fasi chaca huacaniran,” ishon Diosin matohuunoa shinain, —ishon Jesús ato yoini.

Juan 7:24

Afanan un ahuara shara huaiton oincaquin, “Chaca huaran,” ua huayamacahuun. Cayacafi shinansharacahuun, —Jesús ato huani.

Juan 8:15

Tapishoma un yosiaiton man icoinra huama. Uncai tsoaquin shinanchacaima tsain chaca huashquin.

Hechos 1:24

Aton catoncashon Upa Dios cufinifo, —Ifon, nantifi nocon nomuran non shinain cuscan min tapicoian. Noco tapimahuun ratocaimain nan nocofunu rafu min catonpaicain mifu rafumisi no fu inon.

2 Corintios 10:10

Atirififoan uhuunoa yoiquin isca huafo, —Pablonun nocoqui cunua cuscan fasi shafacafi mutsispacoin. Ascafia afincoin no fu icun man non oinmisi aacai ahuama. Ahuun tsain ahuamaran, —ishon uhuunoa yoimisifo.

2 Corintios 10:7

Un mato muran imisi cuscan shinancahuun. Man futsa yoiqui isca huaa, —Pablocai ahuama. Acai mutsisipamaran, —ishon yoiafo. Yoiafori, —Nonfin Cristo ahuun yorafocoin, —ishon yoia. Iconquin shinantirofo urifi Cristo yoracoinran.

Hebreos 4:13

Nantifi onihuani Upa Diosin onancoian. Tsoancai otayamafain tsoanricai fomantiroma. Nantifi non amisi cuscan huafain non shinanmisi cuscamain Diosin onancoiaiton. Ascan chipo ahuun ointaifi non aqui nocoaitian nantifi non amisi cuscan huafain non shinanmisi cuscan noco puashopacushquin.

1 Pedro 2:4

Ascan man toquiri pushu huaino toquiri ichapa yopafain nan uhuapa shara fusti man yopai pushu mutsisipa huashquin. Atirifi uhuapamafo afuchi putsainicani. Nanscarifiai nocon Ifo Jesusfin nan toquiri uhuapa shara nia cuscaraquin. Icoinra huamafoan nocon Ifo fuchipaicanima shinanquin isca huacani, —Aacai ahuama. Noncai a yopaimaran, —ishon yoifiaifoan Upa Diosin nocon Ifo Jesús catonni. Fasi ahuun noicoinquin. —Tsoa futsacai a cuscarama, —ishon Diosin yoini. Ascacun aqui fucahuun maton toquiri mutsisipa cuscara shara imanon.

1 Pedro 3:4

Ascatamarocon maton nomuran shinansharafain man futsafo tsain tsii huafain yoisharamisicun nanscarafo Upa Diosin fasi fuchipaicoin. Nanscarafo oinquin, —Nan fasi shararan, —ishon yoitirofo. —Na cuscara ainfofin ahuun ica sharacoinquin, —ishon Diosin ahuunoa oinquin yoitiro.

Apocalipsis 2:23

“Ascano ahuun tanamisifori un namaquin cuyoshquin. Un asca huaiton nantifi ua icoinra huafo maifoti anoafoan tapitirofo un nantifi yorafo onancoian. Ascashon aton nomuran shinainfo cuscan un onancoian. Tsoancai ahuashta ua fomantiroma. Ufimain un nantifi onancoincun. Ascacufin nan shara huamisi urifi un ato shara huashquin. Ascan ratoran futsan chaca huamisi nanrifi un onaintimashqui.

1 Samuel 2:3

Cacapaimisifoan, “Uncain tsoa futsa cuscarama. Tsoan ua finontiromaran,” ishon shinanyamacahuun. Afanan tsain curafiapaimisi cuscara yoiyamacahuun. Nocon Ifo Diosin man amisi cusca tapicoian. Man amisi cuscanhuunoa mato onaintimatiro.

1 Samuel 9:2

Cispan ahuun furumun anu Saul. Nan Saúl fasi mutsispacoin cuyamasocoian. Rato ahuun caifo futsacai Saúl masoatian inifoma. Ahuun potin ano fusti masoafo ini.