1 Samuel 16:5 - Sharanahua: Diospan Tsain

⁵ Yocaifoan ato cumani, —Uncai ahuuscai oama. Un nocon Ifo Diosi moi facuoma rutushoni oa. Un moi facuoma rutuano marifi uqui fucahuun non Dioshuunoa yoisharafain non cufinon. Nanton noco amapaiyai cuscan fusti non atiroquin. Ascan Moisés yononi cusca acahuun. Ascaquifin man nocon Ifo Diosi ahuunacoinshon man ismatiroquin, —ishon Samuel yoini. Asca huatan Isaí furufo futan Moisés yononi cuscan Samuel ato ashoni. Nanton moi facuoma rutuano a fu nanno inonfo.

1 Samuel 16:5 ပူးပေါင်းရင်းမြစ်များ

Génesis 35:2

Nicatan Jacob ahuun yorafo yoini isca huaquin, —Nan rami huafo maton dioscoinma man aya cuscan potafain nashitacahuun maton sahuutifo rama patsamuafo sahuucahuun.

Éxodo 19:10

—Natian min yorafoqui catahuun. Ascashon ato yoihuu natian yafi iyoconaino itisharanonfo ua nicasharafain aton sahuutifo patsanonfo.

Números 11:8

Israelifoan shafatifi manán maicamaquinoa topishon tiimacaquin. Nan manán roroshon pichafain misi sapa cuscarafo huanifo. Nan shuniya misi huamua mutsa shara huanifo.

1 Corintios 11:28

Ratoranfoan misi pifain ayafain nocon Ifo omitsiscacain ato nashoni cuscan shinanyamaifoan Upa Diosin ato onaintimashquin. Atirifoan nan na un yoia cuscan asca huacani. Ascashufin nanfo iramannashtafo atirifi isinin icain atirifi onihuanifotifain. Nanscacun man ichanaintian oinfain. Misi pifain man ayataimari ahuara chaca huashon iquisi Upa Dios yoiyocahuun maton chaca soashonon mato onaintimanonma. Jesús icoinra huamafo Diosin ato onaintimai cuscacai noco onaintimaima. Afocai ahuun facufoma. Ascacun nanfo ato omitsiscapanacafo muran potashquin. Ascan nonfin ahuun facufoquin. Nocon Ifoan noco oinmafiaquicai noco omitsiscapanacafo muran potatamarocon noco tapimashquin non afanan chaca huanonma. Nanscacufin man ichanaintian Jesús noco nashoni shinanshquin pifain man ayataimari iquisi maton nomuran shinancahuun manmain chaca man fomaincai. Ahuara chaca huashon shinanquin Upa Dios yoiyocahuun maton chaca mato soashonon. Ascashofin man pifain ayatiro Jesushuunoa shinansharashcaquin.

Josué 3:5

Ascatan Josué Israelifo yoini isca huaquin, —Funamari man ahuara sharafo man oinyomisima cuscaran nocon Ifo Diosin ahuun curushhuunshon mato ismashquin. Ascacun itisharacahuun. Diosi ismacahuun manfin ahuun yoracoinfoquin. Mato yonoa cuscan acahuun, —ishon Josué ato yoini.

Josué 7:13

Ascacun min caifofo yoihuun itisharanonfo aton chaca shatushcaquin un funamari ato yoishquin ai cuscan nicasharanonfo. Ato yoihuun isca huaquin, “Nocon Ifo Diosin mato yoi isca huaquin, ‘Man ua inanshquiain cuscan mato murannoa futsan man fishon nan ahuara onua. Man nan yora chaca fuchiyamaino ato rutuqui cuyoshquin uncai afanan mato fu itiroma mato cushushquin nan mato noicasmaifoan mato rutunonfoma,’ ” ishon nocon Ifoan noco yoi.

1 Samuel 20:26

Nan shafata Saúl ahuashta yoitama puusinima. Ahuun nomuran shinanni isca huaquin, —Nocon Ifo Diosin yononi cuscan non ahuara chaca ramanshon non futsafo futan pitiroma a ina Diosihuunshon rutushon piaino. Ascan un shinain David ahuara chaca ramanshon no futan pitiroma. Ascashu nocoqui oamaran, —ishon Saúl ahuun nomuran shinanni.