1 Samuel 16:22 - Sharanahua: Diospan Tsain

²² Saúl fasi Davidhuun noicoinquin apa Isaí tsain fomani isca huaquin, —Un Davidqui fasi unimai. Ascan ua David yoishopun u fu nitutiromainquin uhuun oinmati iishquin, —ishon Saúl Isaí yoini.

1 Samuel 16:22 ပူးပေါင်းရင်းမြစ်များ

Génesis 30:27

Ascaiton Labán cumani, —Raisin, u fu nitupun. Shoiti cuscara ua tapimana minhuunshon Diosin ua shara huai.

Génesis 39:4

Ascacun fasi aqui unimacoinni. Nanscaiton niaifo huani. Nanton Potifar ahuun pushu anoa ahuun ahuarafo yonoa ini.

Salmos 131:1

Uhuun Ifon, uncai cacapaimisima. Uhuun nomuranshoncai un shinanquin isca huaima, —Futsafocai ua cuscara sharama. Unfin ato finoncoianquin, —ishoncai un shinainma. Diosin fustitofin nantifi tapicoianquin. Ahuarafo nocon Ifo fustiton tapia cuscacai afohuunoacai un shinainma.

Daniel 1:5

Ascan Nabucodonosor niaifo yononi ahuun tushucoin non ahuun ayati nan fimi uva unu ato ayamanon. Fari rafunon fusti Aspenaz ato shafatifi yosifafainni. Ascan yosiqui anaititan Nabucodonosor niaifo ahuun oinmatifo iishcaquin.

Deuteronomio 1:38

Min nanno iquitamarocon mia ashomisi cusca nan Nunpan ahuun facu Josué nan mai shara ano iishquiquin. Nantofin maton caifo iyoshquiquin nan mai shara fiishcaquin atona inon. Ascacun ahuun nomuran unimamahuun. Josué tsain shara yoihuu min caifo Israelifo iyoaitian ratuquima ua icoinra huashquinon,” ishon Ifo Diosin ua yoini.

1 Samuel 16:21

Ascano David aqui nocoshon nan Saúl yononi cuscan David aani. Saúl Davidqui unimacain ahuun noicoinni. Ascan David ahuun oinmatiri a fu ica ini.

1 Samuel 16:23

Ascan nan yoshin chaca nocon Ifo Diosin nitu huayamaino Saulqui noconi David ahuun manuti manushonaino afanan Saúl ahuun ointi ihuu itamarocon afanan shinansharacoinni. Ascaino nan yoshin chaca amaquinoashu cayoni.