1 Samuel 16:16 - Sharanahua: Diospan Tsain

¹⁶ Niaifon, noco nichihuun, nonfin mia nocofunu funashonicai ahuun manuti mia manushonon. Nocon Ifo Diosin yoshin chaca miqui nichiaitian nan nocofunun mia manushotiro nan yoshin chacanun afanan mia omitsiscamai cuscan muutamarocon min afanan isharairan, —ishon yoinifo.

1 Samuel 16:16 ပူးပေါင်းရင်းမြစ်များ

Génesis 41:46

José tau huaquin nan Egipciofoan aton niaifo Faraón ahuun niaifo patashari iyoaitian ahuun fari treintaya ini. Faraón anoashu cai José nantifi Egipcio mai ano cahuancacaini.

1 Samuel 10:5

Nan min ato anoashu cai min nan Diosi ahuun mai Gabaa ano min nocoshquin. Nanno Filisteofoan aton ranushumuafoan cushumisi ano. Min nocoaiton Diosin tsain yoimisifo nantian miqui nocoshcaniquin. Machi mamaquinoashu aton manutifo manuyanan fotoshcani. Nan manutifo ahuu anufo futsan salterio manufain panderofo manufain shaintifo manufain arpafo nan guitarra cuscaran manucani. Diospan tsain yoifocani.

1 Samuel 16:14

Nantiancai nocon Ifo Diosin ahuun Yoshin Shara afanan Saúl fu rafunima man potacoian ini. Ascan nocon Ifo Diosicai yoshin chaca nitu huanima Saulqui noconon ahuun nomuran fucash huashquin omitsiscanon.

1 Samuel 16:15

Ascan Saúl ahuun oinmatifoan yoinifo isca huaquin, —Niaifon, nocon Ifo Diosin yoshin chaca miqui nichia mia omitsiscamanon.

1 Samuel 16:17

Ascan huaifoan ato cumani, —Nan futsa manuqui tapi shara ua funashotacahuun. Fuchishon ua ihuushoriscacahuun, —ishon Saúl ato yoini.

1 Samuel 18:10

Iyoconaino nocon Ifo Diosin Saúl afanan shinansharayamaiton oinquin yoshin chaca Saulqui nocoaitocai Diosin afanan nitu huanima. Ascan nan yoshin chacanun Saúl omitsiscamani. Nan yoshin chacahuunoashu Saúl tsain isininpaton nan nisofoan yoiaifo cuscan yoini. Nantianri David fuyamisi cuscan ahuun manuti Saúl manushoni. Ascan Saúl ahuun ashi tsomashon David rutupaifiaqui David ichoacuncahuanaiton canuni. Pushu cunuacua ahuun ashin tsacani. Saúl ahuun nomuran shinanquin isca huani, —Un natian uhuun ashin David tsacaquin nasharafain cunuqui tsacamai naanon, —ishon shinanni. Ichoacuncahuanaiton canuni. Ascahuatan afanan nanscari huaquin Saúl ahuun ashin David rutupaiquin canuni.

1 Samuel 19:9

Ascatan David afanan Saúl pushu ano nasoni a manushoshquin ahuun no muran unimanon. Asca huafiaino Saúl pushu muran tsaoshon ashi tsomani nocon Ifo Diosin Saulqui yoshin chaca nichinni nan fucashcoin huanon.