1 Samuel 16:12 - Sharanahua: Diospan Tsain

¹² Ascano Isaí futsa nichini furu chipocu futsa ihuitanon. Pushco isininmisima ointsa. Ahuun fuso sharacoin fupishtacoin. Samuel oinquin nocon Ifo Diosin yoini, —Naanfin un catoanquin Israelifoan aton niaifo inon. Ahuun mapofuchi shuni ocahuun un catoan cuscan ato ismanon, —ishon nocon Ifo Diosin yoini.

1 Samuel 16:12 ပူးပေါင်းရင်းမြစ်များ

Génesis 39:6

Ascashon Potifar José yoini, —Nantifi uhuunafo cushusharahuu. Uhuun oinmati futsafoan min aton niaiforan, —ishon yoini. Potifarcai ahua shinannima nantifimain José cushushocun. Ahuun pushu anoshon pii fustini. José pushcohuai mutsisipa fuso sharayacoin ini.

Salmos 2:2

Manifoannati aton niaifofo non niaifo patasharinoafori ichanancani nocon Ifo Diosi yafi Furun Cristo potapaicani.

Salmos 2:6

Ascacun Ifo Diosin yoia, —Un niaifocoin catonni Jerusalén ano nantifi ato iquinon. Unfin Jerusalén catoanquin nanno iishquin. Nan un Jerusalén machi ano icainofin fasi sharaquin.

Hechos 4:27

Nanscarifi atan nan niaifo rafu Herodes yafi Poncio Pilaton Israeliyamafiashu nocon caifo Israelifo fu ichanaintafo min Furun nan min oinmati Jesús min catonni chaca huashcaquin.

Hechos 7:20

Nantianri nocon shuni Moisés cainni. Caianshu rato facu futsacai a cuscarama. Upa Diosin aqui unimai. Oshu rafu non fusti apa yafi ahua pushu muran onunifo Egipciofoan fuchinonfoma.

Hebreos 11:23

Moisés apa futan ahuari Dios icoinra huacoinpaonifo. Moisés cainyaintian apa futan ahua oianfo aton facu sharashtacoin ini. Ascashori tapinifo Moisés nocofunucoiaintian Upa Diosin yonosharashoshquiai cuscan. Ascacun Egipcio niaifoan ato yononi Israelifoan aton facu yomumishti nantifi rutunonfo. Ascafiainocai nan Moisés apa futan ahua ratuquimarocon Diosin icoinra huashon oshu rafu non fustitan aton facu onunifo niaifoan ato Moisés rutumanonma.

1 Samuel 16:18

Futsan nica cuscan yoini. —Niaifon, mun nican Isaí pushu rasi Belén ano ica ahuun facu futsan manuti fasi tapisharacoian tsain shara yoifafainni. Ascanori nan pushcohuai ahuaqui ratuyamacain mutsisipa shara ahuun fuso fupishtacoin. Nocon Ifo Diosi a fu icaran, —ishon yoini.

1 Samuel 17:42

Goliat David oinquin oian pushcoshta ahuun fuso sharashta. Ascacun Goliat ahuun nomuran shinan, —Na pushcocai ahuamaran, —icashu aqui cashupaini.

1 Samuel 17:55

Ascan David Goliat ano caiton Saúl oinquin Israeli ahuun ranushumua niaifoan ahuun anu Abner yocani isca huaquin, —Abner, ua tapimahuun. ¿Na pushco David tsoan facumun? —ishon yocaiton.

1 Samuel 9:17

Ascano Samuel Saúl fuchishon nan nocon Ifo Diosin yoini, —Un mia yoita cuscan nan nocofunu uhuun yorafoan aton niaifo ishquiran, —ishon ahuun nomuran tapimani.