1 Samuel 15:6 - Sharanahua: Diospan Tsain

⁶ Nannoshon manaino Saúl Ceneofo tsain fomani isca huaquin, —Amalecitafo icanoashu fotacahuun. Non ato rutuquin matori non rutupaimacai. Uhuun shunifo Egipcio anoashu nuri fuaifoan maton caifoan noco shunifo sharahuani. Ascan non matori sharahuapaifiai man Amalecitafomaquinoashu man pashcayamaino non ato rutuaino matori rutupaiyamafiaquin non mato rututiro man ato fu natiroran, —ishon Saúl ato yoiaiton nicacani Ceneofo Amalecitafomaquinoashu pashcanifo.

1 Samuel 15:6 ပူးပေါင်းရင်းမြစ်များ

Génesis 15:19

Nan Ceneofo non Cenezeofo non Cadmoneofo non Hititafo non Ferezeofo non Refaítafo non Amorreofo non Cananeofo non Gergeseofo yafi Jebuseofo nanno icafo. Chipo aton mai min funafona inon, —ishon Diosin yoini.

Génesis 18:25

Ma. Ifon, min fasi shara. Mincai asca huapacunacama. Min nicacasmamisifo onaintimai cuscacai nan mia nicamisifori min asca huatiroma. Min nicacasmamisifo rutuaino nantiari min yonoa cuscan huamisifocai min rutushquima. Min nantifi yorafo onancoian. Minfin niaifocoinquin yorafoan ahuara chaca hua cuscan min yoipacutiro. Min acai cuscan cayacafi sharapacunacaran, —ishon Abraham Diosi yoini.

Éxodo 18:19

Un mia yoisharapaiyai cusca ua nicasharapun. Diosin mia shinansharamapainon. Min yorafoan Diosi yocapaiyai cusca mia tapimai fuafo. Ascacun min Diosi cufitiro ato cumasharashquin.

Números 16:34

Nan mai cuatanaino a muran pacucani fiisiquin futsuaifoan nicacanashu Israeli futsafo fasi ratucoinifo. Ascashon oi ashcani yoinifo, isca huaquin, —Nocoquiri nocon Ifo Diosin mai cuamatanaino nocon shuai cafisca huairan, —ishon Israelifoan nannori yoinifo.

Hechos 2:40

Yoitan afanan Pedronun ato tsain ichapa yoini. Ato yoiquin isca huani, —Maton chaca shatucahuun, uhuun yoramishtichin. Nocon caifo futan mani futsanfoanri man fasi chaca huamisifo. Ascarafo iyamacahuun. Jesús icoinra huacahuun mato numanon, —ishon Pedronun ato yoini.

2 Corintios 6:17

Ascano icoinra huamafo icaifo cuscan ayamacahuun. Ato fu rafufafainyamacahuun. Ahua chaca huayamacahuun. Man ascaino un matofu iishquin.

2 Timoteo 1:16

Onesiforocai ato cuscara inima. Acai uqui oi rafipainima. Ascashu Roma ano noconi. Nanno nocoshon funafafainquin cunu murannoa ua fuchini. Ascashon ua oinyoi ocacainmisi. Ascacun ahuun afofohuunrimain Upa Diosin ramapainonran.

Apocalipsis 18:14

“¡Ohuashta! Babiloniafoan nan ahuarashta sharashtacoin futsa futsatapafo man fasi fuchipaimisifo afanan man fitiroma. Nantifi man aya cuscan man funocoian afanan man fipanacama. Man ahuara yopapaonima. Man acai afanan ascanacama. Nantifi matona man funoi cuyocoianran,” ishon nan inanmitsamisifoan yoishquicani.

1 Samuel 15:5

Asca huatan Saúl yafi Israeli ranushumuafo focani pushu rasi Amalec chaimashta machi rafu nushmancayan noconifo. Nannoshon ato manayonifo ato samamashta rutushcaquin.