1 Samuel 15:33 - Sharanahua: Diospan Tsain

³³ Ascaiton Samuel yoini, —Min nopun facufo yafi ahuafo ichapacoin min rutumisi. Ascan natian min uhua facuoma iishquinran, —ishon Samuel yoini. Nannori huaiton Samuel Gilgal mai anoshon nocon Ifo Diosi ointaifin nopun Agag rutuquin shatu mishti huapani.

1 Samuel 15:33 ပူးပေါင်းရင်းမြစ်များ

Éxodo 17:11

Ascashon Moisés ahuun mucu rafu nai ari mushaino Israelifoan Amalecitafo ato rutuquin shuhuunnifo. Ascano Moisés ahuun poyan rafu atsanaquin fipapacufoannaino Amalacitafoan Israelifori ato rutuqui shuhuitanifo.

Números 14:45

Ascano nan machifoanno Amalecitafo fu Cananeofo machi tunanmanri fonifo Israelifo rutushcaquin. Ascashu ato Horma mai ano ichonifo.

Santiago 2:13

Ascashon Diosin nantifi yorafo puashoshquin. Ascan niyoshon man futsafohuun ramapaipaonimacun Diosiri matohuunri ramapaishquima. Ascan niyoshon man futsafohuun ramapaipaonicun Upa Diosin matohuunri ramapaishquin. Ascashocai mato onaintimaima. Ascatama manrocon afu ipasharatiro.

1 Samuel 10:8

Natian Gilgal ano catahuun. Nannoshon siete dia oshatan ua manayohuun. Un miqui caicain nan un nocoaitian nocon Ifo Diosi ina rutushofain non coashonon. Non asca huaquifin nocon Ifo Diosi non ismaicai naan fustimain nocon Ifocoincun. Nan noco amapaiyai cuscan fusti non huashonon. Nonfin ahuunacoinquin. Nanscashon non ismasharanon. Ascashon ina futsari non rutunon nocon Ifo Diosin nocohuun ramapaiyaino non a fu rafushon ismashquin. Ascano nocon nomuran noco unimamanon. Non nansca huaquifin nocon Ifo Diosi non ismasharaicain. Nannoshon ua manahuun un miqui caicain. Un mia ahuara futsa non acai cuscan mia yoinon, —ishon Samuel Saúl yoini.

1 Samuel 15:32

Chipo Samuel yononi, —Ua Amalecitafo aton niaifo Agag ua ihuushohuun, —huani. Agag ahuun nomuran shinanni isca huaquin, —Ua afanan rutupaiyamaino. Afanan uhuun nomuran un musuimaran, —ishon Agag ahuun nomuran shinain ratutama Samuelqui oni.