1 Samuel 15:11 - Sharanahua: Diospan Tsain

¹¹ —Saúl ua tanasharayamafain un yonoa cuscan afanan ua nica sharaima. Ascan uhuun nomuran mun fasi shinain. Un Saúl catonyamani niaifo icama shara icuanaran, —ishon nocon Ifo Diosin Samuel yoiaiton nicaquin Samuel arifi fasi shinancoinni. Yamutishon nocon Ifo Diosi cufinshini.

1 Samuel 15:11 ပူးပေါင်းရင်းမြစ်များ

Génesis 6:6

Asca huaifoan oin nocon Ifo Diosin ahuun nomuran fasi isincoin muuquin yoini, —¡Ohua! Un yorafo oni huanima shara icuanaran, —ishon shinanni.

Génesis 6:7

Ascashon nocon Ifo Diosin yoiqui isca huani, —¡Ohuashta! Un yorafo oni huafian man chaca huaifohuunshon uhuun nomuran un isincoin mui. Ascacun nantifi yorafo mai ano icafo un ato cuyocoin. Nantifi yorafo cuyofain yoinafo cuyofain yoina naman sharaifori cuyofain puiyafori un cuyoshquiran, —ishon nocon Ifo Diosin yoini.

Éxodo 32:11

Nannori Upa Diosin yoiaiton nicaquin Moisés cumani isca huaquin, —Uhuun Ifon, min curushhuunshon min ahuamamishti huatiro cusca na yorafo uhuun caifofo min ato Egipcio mai anoshon ihuua. Ascacun atoqui sinaquin ato cuyoyamapun.

Éxodo 32:14

Nannori Moisés huaiton nicaquin nocon Ifo Diosin shinan futsani. Ascashocai Israelifo cuyonima. Nan ato yoia cusca ato rutuqui cuyopaifiaquin.

Mateo 24:13

Ascafia nan omitsisca huafiaifoan tsoan ua cachiquiri huatama tunufain uhuun tsain tanasharacun un cushusharatiro Uhuun Upa Diosin icano afu ipasharanon.

Mateo 5:44

Nannori yoifianifo un mato yoiquin isca huai, Naan mato noicasmafiaifoan atohuun noicoincahuun. Tsoan mato omitsisca huairi Dios cufishocahuun.

Lucas 6:12

Shafa futsaino Jesús machi ano mapuni Apa Dios cufishquin. Ascano nannoshon yamutishon apa cufishini.

Hebreos 10:38

Ascashon afanan Diospan tsain cununi isca huaquin, “Nan un imasharaiton ua icoinra huamisi. Naantofin ua tanasharashquiquin. Ascan tsoan ua cachiquiri huacucai un aqui unimashquimaran,” ishon Diosin yoini.

1 Samuel 12:23

Un mato nocon Ifo Diosi cufinshoyamaquin un aqui chaca huatiro. Ascan unfin mato Upa Diosi cufinshofafainniquin. Nan un mato tapimanai cuscan man isharafain man cayacafi shara nocon Ifo tanasharanon.

1 Samuel 13:13

Nannori yoiaiton nicaquin Samuel Saúl cumani, —¡Ohuashta! Min fasi amaquiri chaca shinan. Mia nocon Ifo Diosi yonoa cuscacai min huama. Nan mia yonoa cuscan min huaino nocon Ifo Diosin mia non min facufo non min funafori Israelifoan aton niaifo imapacucuana.

1 Samuel 15:10

Asca huashon nocon Ifo Diosin Samuel yoini isca huaquin,

1 Samuel 15:3

Natian min ranushumuafoya ato ano fotacahuun ato nantifi rutuqui cuyononfo. Nantifi Amalecitafo cuyocahuun. Nocofunufo rutufain ainfofo rutufain facufo rutufain facumishtifo rutufain nantifi inafo moifo non chashoanfo non camellofo non burrofo non nantifi rutuqui futsashcaquin,” ishon nocon Ifo Diosin mia yonoaran, —ishon Samuel Saúl yoiaiton.

1 Samuel 15:35

Ascan nan Samuel naitiancai afanan Saúl oinnacama. Afanan oinyamafiaquin fasi ahuunoa shinancoinpaoni. Nocon Ifo Diosinri ahuun nomuran fasi shinancoinni. —¡Ohuashta! Un Saúl Israelifoan aton niaifo imanima shara icuanaran, —ishon Diosin shinanni.

1 Samuel 15:9

Ascan Saúl yafi ahuun ranushumuafo Agag niaifo rutuyamafain nan chashoan sharafosi rutuyamafain moi sharafo non moi cahua shoa sharafo non chashoan cahuashara nan ahuara fuchipaicoiainfo cuyopaitamarocon ato cushunifo. Ascan ahuara chacafo non ahuamafo cuyonifo.

1 Samuel 16:1

Ascan nocon Ifo Diosin Samuel yoini isca huaquin, —Mun yoia Saulcai afanan Israeli niaifo itiroma. Ascan afanan ahuunoa shinanyamahuun. Min moi masho muran shuni manuhuun. Asca huatan Belén pushu rasi ano catahuun. Nanno a nocofunu Isaí icano catahuun. Ahuun furun futsa un catoan Israeli niaifo inon, —ishon Diosin yoini.

1 Samuel 8:6

—Noco niaifo futsa catonshohuun noco yononon, —ishon Samuel yoinifo. Nan nicatan Samuel ahuun nomuran shinancoinni. —Ascaracai sharamaran, —ishon shinanni. Ascashon nocon Ifo Diosi cufini.