1 Samuel 14:6 - Sharanahua: Diospan Tsain

⁶ Ascashon Jonatán a fu yonomisi yoiquin isca huani, —Non unu pocufaini canon nan nocon Ifo Diosi nan Filisteofo icoinra huafoma ano non canon. Nanno non oincanon. Nocon Ifoan noco ashoaitoraca non ato rututiro. Ahuara futsacai nocon Ifo Diosi amatima huatiroma ahuun yorafo numanon. Nantofin yora fusti iyamarai yora ichapafohuunshon futsafo finoncointiroquin, —ishon yoiaiton.

1 Samuel 14:6 ပူးပေါင်းရင်းမြစ်များ

Mateo 19:26

Jesús nocoqui fusoacucahuan noco cumani, —Nocofunucai afiri numatiroma. Diosin fustitofin yorafo numatiroquin. Nantofin ahuamamishti huatiroquin. Nocofunufoan atiroma cuscan nan Diosin huatiroran, —ishon noco yoaiton.

Romanos 8:31

¿Noco asca huasharaino non raquiri yoitiromun? ¿Upa Diosin noco shara huafafainaino futsafoan noco raquiri huatiromun?

Filipenses 3:3

Asca non foshqui rupa shatuahuunshocai nocon chaca non soatiroma. Jesucristo noco nashoni nocon chaca soashoshquin. Arus fustifin nocon chaca soashotiroquin. Nan Furuhuunshori Diosin noco ahuun facufo imatiro. Ahuun Yoshin Sharahuunshon non Dios yoitiro isca huaquin, —Non mia fasi noi. Min sharacoinran, —ishon non yoitiro. Jesucristo noco nashoni nocon chaca soashoshquin. Ascacun non aqui unimacoinni. Arus fusti noco numatiro. Man non tapia non foshqui rupa shatuahuunshocai noco ahuusca huatiroma.

1 Samuel 14:5

Mahuanhuan futsan fari oai istafariri pushu rasi Micmas chaimashta ini. Futsan fari cai istafariri Gabaa chaimashta ini.

1 Samuel 14:7

—Nan min shinan cuscan shara. Non atiro. Un mi fu unimai cairan, —ishon ahuun yonomatinin cumani.

1 Samuel 17:26

Ascaino David chaima futsa niaton yocani, —¿Tsoan Filisteo rutuamun ahua niaifoan inainquin? Nan Filisteo noco fucash huaquin noco cashu mutsama huaino non rafipaitiro. Manfin Israelifoan ahuun ranushumuafia manfin nan Diosin ahuun yoraforiquin. Nocon Diosifin natian niaquin. ¿Ahuuscai na Filisteo Diospan ahuun yorayamafiashon noco tsain chaca huafain noco musumapaimun? —ishon David ato yoini.

1 Samuel 17:36

Masharo rafu ahuun anu leon yafi oso un rutua. Ascan nocofunu Filisteo Diospan ahuun yorama. Nan masharo rafu un rutua cuscan un nanri rututiro. Manfin ranushumuafo Diosinafoquin. Diosifin niaquin mato cushushquin. Ascafiaino Filisteon mato ratupai.

1 Samuel 17:46

Ascan na shafata nocon Ifo Diosin ahuun curush ua inainno un mia rutufain mia tushtui. Na shafatan min ranushumua Filisteo un nantifi maton caya cotocotofo non yoinafo ato pimai. Ascan manifotiton tapitirofo Israelifo fu Diosin ica.

1 Samuel 17:47

Ascan nopu yafi ashi ascarafocai nocon Ifo Diosin yopaima ahuun yorafo numashquin. Ascan rutunainfoan nocon Ifo Diosin apaiyai cuscan rato futsan shuhuinmatiro. Ascan na shafata min non min caifo nantifi nocon Ifo Dioshuunshon non mato rutuqui futsairan, —ishon David yoini.

1 Samuel 31:4

Ascan Saúl naaquin ahuun oinmati yoini isca huaquin, —Mun nai. Na Filisteofocai nocon Ifo Diospan yorama samamashta uqui nocoaino tau huaquin ua omitsiscamafain ua rutushquin. Uncai atohuunoashu napaima. Ascan min nopun ua rutuhuu, —ishon Saúl yoini. Ascaino ahuun oinmati fasi ratucoinquin rutunima. Ascafiaino Saúl aficoin ahuun nopu cunoquiri fosoancufoan aficoin aqui pacuashu naani.