1 Samuel 14:23 - Sharanahua: Diospan Tsain

²³ Israelifoan Filisteofo ato ichoni Bet-avén ocuma futsa. Ascano nan shafata nocon Ifo Diosin Israelifo numani.

1 Samuel 14:23 ပူးပေါင်းရင်းမြစ်များ

Éxodo 14:30

Nan shafata nocon Ifo Diosin Israelifo numani Egipciofoan ato rutunonfoma. Ascano nantian Israelifoan Egipciofo naafo aton cayafo unuhuan cusumunnoa oinnifo.

Josué 7:2

Josuécai tapinima nocon Ifo Diosin atoqui sinai ahuun caifofo Jericó anoshon pushu rasi ahuun anu Hai ano ato nichini. Nan Hai Bet-avén chaimashta. Fari oaiquiri pushu rasi Betel chaimashtari ini. Josué ahuun caifofo yoini isca huaquin, —Hai mai ano oinyotacahuun ahuu cuscaramainquin. Oinshon noco tapimai fucahuun, —ishon Josué ato yoini. Nannori ato huaiton nicacatan fonifo Josué ato yonoa cuscan oinfocani.

1 Samuel 10:19

Diosin fasi mato shara huamisi man omitsiscaino nan man ahuara chaca futsa finoainton nanscarafohuunoa Diosin mato numani. Diosin mato sharahuapaifiaiton man potapaifain niaifo futsa man catonpai. Ascashon man yoiquin isca huai, “Natian non niaifo futsa funanon noco nanton yononon,” ishon man yoia. Natian nocon Ifo Diosi ahuun ointaifi ichanancahuun. Nan manifoti uqui fucahuun, —ishon Samuel ato yoini.

1 Samuel 13:5

Ascano nantiari Filisteofoan aton ranushumuafo ichanannifo. Tres mil taramutiya ichanan huafain seis mil caballoya ichanan huafain nan ranushumua atirifi tsoancai ato tanan huatiroma ato fu pushu rasi Micmas nan fari oaiquiri Bet-avén ano chaimashta ichanannifo.

1 Samuel 9:16

—Na funamari nan nocofunu Benjamínfo mai anoshon un miqui nichi. Ahuun mapoqui shuni ocahuun naanfin mato niaifo iishquiquin. Nan uhuun yora Israelifoan ua cufiainfo cuscan mun nica. Nan ua cufiainfo cuscan nicain un fasi atohuun ramapaicoin. Mani futsan nan Benjamín aton muran nan nocofunuhuunshon nantifi uhuun yorafo Israelifo un numashquin Filisteofoan ato ahuusca huanonma, —ishon nocon Ifo Diosin Samuel yoini.