1 Samuel 13:6 - Sharanahua: Diospan Tsain

⁶ Ascano nantian Israeli nocofunufoan oinnifo Filisteo ranushumuafo fasi ichapacoin ichanannifo ato rutui fuushcaquin. Nan ichanainfoan oincani fasi ratucoinifo. Ascashu mahua quini muran atirifi onupaifain chacafo muran onupaifain mai quini uhuapa muran onupaicain toquirininhuanfo cachori onupaicain pozo muranri onupainifo.

1 Samuel 13:6 ပူးပေါင်းရင်းမြစ်များ

Filipenses 1:23

Nan rafu shara. Asca uncai catontiroma. Urifi un Jesús ari capaicoincain afu ishquin. Nan fasi shara finacoinfiashu un shinan man ua fasi yopacoin un mato ahuun tsain shara yoinon.

Hebreos 11:38

Ascashu tsoan istaipama ano yafi machi ano non mahua quini muran non mai quini muranri iquifaifainifo. Ascan nan icoinra huafoan icoinra huamafo shara huafiashon copiquiri ato fasi chaca huafafaipaonifo. Ascan sharafo cutsi Diosin ahuun yorafoya ato ima.

1 Samuel 13:15

Ascatan Samuel Gilgal anoashu Gabaa nan Benjamínfoan mai ari cani. Ascano Saúl fu ranushumua atirifi nitunifo. Nantian Saúl ato tanan huani seis cientos ranushumuafo fusti a fu nituanfo.

1 Samuel 14:11

Ascashu nan rafu Filisteoqui foaifoan ato oinnifo. Ascashon Filisteofoan yoiquin isca huanifo, —¡Oincapon! Nan Hebreofo aton quini murannoashu cain furacaniran, —ishon nannori ato cashu mutsama huanifo.

1 Samuel 14:22

Nan Israeli futsafo Efraín mai nan machifo ano onuafoan nicanifo Filisteofo ichofoanfafainnaifoan nan Israeli onufiacashon cainnifoantan Filisteofo ato mufainifo ato rutui focaquin.

1 Samuel 24:3

Ascan nan fai cusumunri chashoanfo icafo ano Saúl mahua quini muran iquini ano poishquin. Tapinima nan mahua quini muran David yafi a fu rafuafo a muran onufiacun.

1 Samuel 31:7

Ascan Israelifo chaimashta machi ocuma futsa nan unu Jordán fari oaiquirinoa icafoan oiainfono aton ranushumuafo Filisteofoan rutuafo nanforifi icafoannoashu ichonifo. Ascan Filisteofoan nan Israelifo pushu rasi ano icafo aton pushufo muran iquinifo.

1 Samuel 7:7

Nanscaifoan Filisteofoan nicani Israelifo Mizpa ano ichanainfoan. Ascashon aton niaifofoan aton ranushumuafo ichanan huani Mizpa mai ano focashon Israelifo rutunonfo. Nan nicacani Israelifo ratucoinnifo. Ascashon Samuel yoinifo isca huaquin, —Nocon Ifo Diosi noco cufishonfafainhuun Filisteofoan noco ahuusca huanonfoma, —ishon Samuel yoinifo.