1 Samuel 13:2 - Sharanahua: Diospan Tsain

² Nan niaifoatian Saul, tres mil ahuun caifofo Israeli ahuun ranushumuafo catonni. Ascashon ranushumua futsafo aton pushu ano nichini. Nan tres mil a fu nituaino mil ahuun facu Jonatánya nichini Gabaa pushu rasi Benjamín mai ano fotanonfo. Nanno chaimashta mai machifo ahuun anu Betel. Nan dos mil ranushumuafo nituafo Saúl fu pushu rasi ahuun anu Micmas ano fonifo.

1 Samuel 13:2 ပူးပေါင်းရင်းမြစ်များ

1 Samuel 10:26

Ascashu Saúl ahuun pushu Gabaa ano nasoni. Nocoano nocofunu mutsisipafo nocon Ifo Diosin aton nomuran shinanmasharaino Saulqui funifo a fu rafupacushcaquin.

1 Samuel 10:5

Nan min ato anoashu cai min nan Diosi ahuun mai Gabaa ano min nocoshquin. Nanno Filisteofoan aton ranushumuafoan cushumisi ano. Min nocoaiton Diosin tsain yoimisifo nantian miqui nocoshcaniquin. Machi mamaquinoashu aton manutifo manuyanan fotoshcani. Nan manutifo ahuu anufo futsan salterio manufain panderofo manufain shaintifo manufain arpafo nan guitarra cuscaran manucani. Diospan tsain yoifocani.

1 Samuel 13:1

Saúl ahuun fari treinta fariyatian Israelifoan aton niaifo tauni. Ascashu nan aton niaifocoin cuarenta y dos fari ahuun yorafo iquipaoni.

1 Samuel 13:11

Asca huaiton Samuel cumaquin isca huani, —¿Ahuuscaimun un nocoataima min ina rutushon coarisca huaquin? —ishon yoiaiton. Saúl Samuel cumani isca huaquin, —Uhuun ranushumuafo man umaquinoashu foafo. Nan mian yoiatian min nocoyamaino nantianri Filisteofo Micmas ano ichananfo noco rutui fushcaquin. Nan Filisteofo ichanainfo cuscan mun oian. Ascaifoan oinquin un shinanquin isca hua, “Filisteofoan noco rutui fupaifiainfoancai un nocon Ifo Diosi cufiantaima noco cushusharanon.” Ascano un shinan nantian min nunomano unfin toquirifo putsamuinia camaquishon ina rutuaquin nocon Ifo Diosi ismafain non fasi nocon Ifo yopai cuscan noco cushunon, —ishon nannori shinain cuscan Saúl Samuel tapimani.

1 Samuel 13:15

Ascatan Samuel Gilgal anoashu Gabaa nan Benjamínfoan mai ari cani. Ascano Saúl fu ranushumua atirifi nitunifo. Nantian Saúl ato tanan huani seis cientos ranushumuafo fusti a fu nituanfo.

1 Samuel 13:16

Ascano Saúl yafi ahuun facu Jonatán non aton ranushumuafo Gabaa Benjamínfoan mai ano inifo. Nantianri Filisteo ranushumuafo Micmas ano inifo.

1 Samuel 13:23

Nantianri Filisteofoan ahuun ranushumuafo Micmas ano cushunifo nan Israelifoan finoainfoan ato ruturisca huashcaquin.

1 Samuel 13:5

Ascano nantiari Filisteofoan aton ranushumuafo ichanannifo. Tres mil taramutiya ichanan huafain seis mil caballoya ichanan huafain nan ranushumua atirifi tsoancai ato tanan huatiroma ato fu pushu rasi Micmas nan fari oaiquiri Bet-avén ano chaimashta ichanannifo.

1 Samuel 14:5

Mahuanhuan futsan fari oai istafariri pushu rasi Micmas chaimashta ini. Futsan fari cai istafariri Gabaa chaimashta ini.

1 Samuel 15:34

Asca huatan Samuel ahuun pushu Ramá ano cani. Ascano Saúl ahuun pushu Gabaa ano nasoni.

1 Samuel 24:3

Ascan nan fai cusumunri chashoanfo icafo ano Saúl mahua quini muran iquini ano poishquin. Tapinima nan mahua quini muran David yafi a fu rafuafo a muran onufiacun.

1 Samuel 26:2

Nannori nicatan Saúl tres mil ranushumuafo fasi tapicoianfo ato iyoni David achinonfo. Tsoa istaipama Zif ano fonifo.

1 Samuel 8:11

Ato yoiquin isca huani, —Nan niaifo futsan mato iquinanton mato isca huashquin: Maton furufo ranushumua imashquin ahuun taramutiyafo yafi ahuun caballofo iyoshononfo. Nan taramutiyafo foaifoanno maton furufo rufofo ichomashquin.