1 Samuel 12:8 - Sharanahua: Diospan Tsain

⁸ Nocon shuni Jacob Egipcio mai ano iyopaoni. Ascashu chipo nocon shuni Israelifoan nocon Ifo Diosi cufinifo ato numanon. Ascano Moisés yafi Aarón nichini Egipcio mai anoashu na mai shara anoa ato ihuunon.

1 Samuel 12:8 ပူးပေါင်းရင်းမြစ်များ

Éxodo 12:51

Nan shafatafin nocon Ifo Diosin nantifi Israelifo nan manifoti Egipcio mai anoshon ato iyoniquin.

Éxodo 6:26

Ascano nocon Ifo Diosin nan rafu Aarón yafi Moisés catonni. Ascashon ato yoiquin isca huani, —Israelifo nantifi mani futsafo Egipcio mai anoshon ato iyotacahuun, —ishon Diosin ato yononi.

Números 20:15

Nocon shunifo Egipcio mai ari fonifo nanri min tapia. Non nanno Egipcio mai ari fari ichaparasi aton yonomatifo icano fasi noco omitsisca huamisifo.

Hechos 7:15

Ascatan Jacob yafi ahuun yorafori Egipto ano fonifo. Nannoashu nocon shunifo ya nai cuyonifo.

Josué 1:6

Uhuun yora Israelifo min nan mai shara ano ato iyoshquin. Min shunifo un ato yoiyoni cusca na mai un ato inain. Ascacun uhuun curushhuunshon un mia amapaiyai cuscan huafafainhuun. Shinanquin isca huahuun, “Uhuun Ifo Diosin ua yonoa cuscan un atiroran,” ishon shinanhuun.

1 Samuel 10:18

Nococashon Samuel ato yoini isca huaquin, —Uhuun yora Israelifoan, nocon Ifo Diosin natian noco tapimai isca huaquin, “Un mato Egipcio mai anoshon ihuua. Nan Egipciofoan ato curushhuunshon mato omitsiscamani aton yonomati man inon. Ascano un mato numani nanfo futan futsafoan mato omitsiscamanifo cuscan afanancai man aton yonomatifo inonma,” ishon nocon Ifo Diosin yoini.

1 Samuel 12:6

Ascano Samuel afanan ahuun caifo Israelifo yoini isca huaquin, —Nocon Ifo Diosin Moisés yafi Aarón catonni. Atohuunshon nocon shunifo Egipcio mai anoshon ato ihuuni.