1 Samuel 12:5 - Sharanahua: Diospan Tsain

⁵ Afanan Samuel ahuun caifofo yoiquin isca huani, —Nocon Ifo Dios ua oinfain nan catoanton maton niaifo funa Saúl ua oiainno tsoancai uhuunoa yoitiroma un maton chaca huamisiran, —ato huaiton. —Icon. Mincai noco chaca huamisimaran, —ishon Israelifoan cumanifo.

1 Samuel 12:5 ပူးပေါင်းရင်းမြစ်များ

Génesis 31:50

Ascashon afanan Labán yoini isca huaquin, —Uhuun facu rafu min chaca huaiyainfo futsari min fiaino mia tsoan oinyamafiaino Diosin mia oinran, —ishon yoini.

Juan 18:38

—¿Ahuamun iconquin? —Pilato cumani. Asca huatan chifi cainacahuani Israelifo yoishquin, —Un na nocofunu yocafiacai un ahuunoa ahua chaca nicama.

Hechos 23:9

Ascano nanno ichananshu fasi mucanifo. Fariseo futsanfoan Moisés yononi cuscan tapimamisifoan nishon yoinifo, —Na nocofunu Pablocai ahua chaca huama. Noco ahua chaca yoiama. Itsairaca yoshin shara iyamarai Diospan nai oinmatinin Damasco fai anoshon Pablo yoiniran, —ishon yoinifo.

Hechos 24:16

Ascacun un isharapaimisi cuscan uhuun nomuran un tapin un Dios yorafo chaca huamisima.

Hechos 24:20

Uhuun caifo nunoafoanri ua oianfo nocon niaifofoan aton ointaifi un ato yoiaiton. ¿Ahuuscain afoanrifi uhuunoa ahua chaca yoiafomamun? Uncain ahua chaca huama. Ascan uhuunoa ahuacai chaca yoitirofoma.

1 Corintios 4:4

Uhuun nomuran un shinain isca huaquin —Ua Diosin yononi cuscan un airan, —ishon un anori shinain cuscan nocon Ifo fustiton ua onancoian. Ascashon yoitiro, —Nan un yonoai cuscacoin airan, —ishon ua yoitiro.

2 Corintios 1:12

Man non tapia manifoti iconcoin yoimisishaquin nocon nomuran non unimacoinni. Non mato murannoashu isharacoinmisi. Non Dioshuunoashu a cuscara sharacoin non imisi. Noncai mato paramisima. Icon fusti non mato yoimisi. Icoinra huamafoan shinanmisi cuscacai non mato ismamisima. Upa Diosin noco shinanmashara cuscan huafain non mato oinmana.

1 Samuel 12:4

Nannori ato yocaiton cumaquin isca huanifo, —Ma. Mincai noco paranyamafain min noco omitsisca huamisima. Futsancai mia ahuara inanmisima min noco fomafain nan futsa fusti min shara huanon. Mincai ascara chacafo huamisimaran, —ishon yoinifo.

1 Samuel 26:9

Ascaiton David cumani isca huaquin, —¡Ma! Rutuyamahuu. Nocon Ifo Diosin Saúl nocon niaifo inon catonniquin. Non rutuashu non chaca itiro.