1 Samuel 12:2 - Sharanahua: Diospan Tsain

² Natianfin man niaifoyaquin nantofin mato yonoiquin. Unfin mun anifoan. Nan un anifoataima non natianrifi un mato sharahuamisi. Nan un pushcoaitian un maton niaifo imisi. Uhuun facufori mato fu iquin.

1 Samuel 12:2 ပူးပေါင်းရင်းမြစ်များ

2 Timoteo 4:6

Ascano natian uhuunoa un mia yoinon. Uncai afanan chai nipatiroma. Ratoran shafata Jesushuunoashu un naicain. Un samamashta mai anoashu Jesús ari cai.

Josué 23:1

Man fari ichapa finoano nocon Ifo Diosin yonoa cuscan nan Israelifo noicasmaifoancai afanan ato fucash huanima. Nantian Israelifo isharacoinnifo. Nantianri Josué anifocoin ini.

Josué 23:2

Ascano Josué nantifi Israelifo cunani aqui funonfo. Ato niaifo patasharinoafoya nantifi ato cunashon yoini isca huaquin, —Unfin natian anifoshtaquin.

2 Pedro 1:14

Nocon Ifon Jesucristo ua cayacaficoin tapimana un samamashta nai. Ascacun un mato nanfohuunoa nantishotapiquin shinanmai marifi man u futan nannorisi shinanon.

1 Samuel 2:22

Nantian Elí fasi anifoshtafiashon tapini ahuun furu rafutan fasi chaca huaifoan. Nantianri shomayafoan ichananti pano pushu shoi caincaiti ano futsafo ahuara huashomisi. Nanno Elí ahuun facu rafu nocotan nan ainfo shomayafoya oshanifo. Asca furun rafutan asca huaiton Elí tapini.

1 Samuel 2:29

Un ato nanscara shara catonni. Ascan ahuuscai uhuun yora Israelifoan ua inafo yafi ahuara futsafo ua inainton min shinan afocai ahuama. Min facufohuunoa min shinan cusca min uhuunoa nannori shinansharaima. Min caifo ua inanpaiyai cuscahuunshon min facufo non minrifi man pia man fasi shoacoian. Nan nami sharacoinfin man fimisiquin piishcaquin.

1 Samuel 3:10

Ascano afanan nanscari huaquin nocon Ifo Diosin aqui oshon cunani, —¡Samuel! ¡Samuel! —huaiton, —Unquian min oinmati. Ua yoihuun un mia nicanon, —ishon cumani.

1 Samuel 3:13

Munfin yoimisiquin ahuun facu rafutan ua chaca huafiaifoancai ato yoipaimisima. Nanscacufin un ahuun yorafoya ato onaintimacoincain. Nanfocai afanan ato caifohuunoa ua cufinshomisifo ipanacama.

1 Samuel 3:16

Ascatan Elí Samuel cunaquin isca huani, —Uhuun facushtan, Samuel, —huaiton. —Unquian nuno, —ishon cumaiton.

1 Samuel 8:1

Nan Samuel anifoaitian furunfo catonni Israelifo yonononfo. Nanfori Samuel cuscara inonfo.

1 Samuel 8:20

Ascacun norifi nan mani futsafo cuscara non itiro. Nan niaifo noco yonosharafain noco noicasmaifoan noco rutupai fuaifoan nan niaifo noco iyotiro non ato rutunon, —ishon Israelifoan yoinifo.

1 Samuel 8:3

Ascafia furunfocai apa cuscara inima. Samuel nocon Ifo Diosi tanashara cuscacai ahuun furun rafutan huaafo inima. Pui fusti shinanquin futsafo fomannifo pui paratama fiishcaquin. Futsan ato yoiquin isca huani, —Un futsa chaca hua cuscan man yoicuma un mato pui inainran, —ishon yoiaiton nan Samuel furun rafutan nan pui fiinifo. Ahuara iconmafia nanscara yoinifo.

1 Samuel 8:5

Aqui nococatan yoinifo isca huaquin, —Min natian anifoshta. Min noco shara huapaoni cuscacai min facu rafucai ascarama. Nan rafutacai nocon Ifo Diosi tanafoma. Ascacun nan caifo futsafoan aton niaifo cuscaran catonhuun noco yononon, —icashu Samuelqui chaninifo.