1 Samuel 12:17 - Sharanahua: Diospan Tsain

¹⁷ Man man tapia nan non nocon fanafo non chituaitiancai oi fuama. Ascafia un nocon Ifo Diosi na shafata cufin turuimafain oi fumanon. Nocon Ifo Diosin nan acai cuscahuunshon man tapitiro man fasi Diosqui chaca hua niaifo futsa noiquin. Nan niaifo futsacai Dioscoinmaran, —ishon Samuel ato yoini.

1 Samuel 12:17 ပူးပေါင်းရင်းမြစ်များ

Éxodo 32:30

Ascano iyoconaino Moisés ahuun caifo futsafo yoini isca huaquin, —Uhuun yorafoan, man nocon Ifo Diosi fasi chaca huafo. Ascafia un natian nocon Ifo cufin cai. Un mato cufinshonaino maton chaca nocon Ifo Diosi rau huatiroraca, —ishon ato yoini.

Josué 10:12

Ascano nan shafata nocon Ifo Diosin yonoa cuscan Israelifoan Amorreofo rutuqui cuyonifo ato mai fianshcaquin. Ato mufaintan Josué Israelifoan aton ointaifi Ifo Diosi cufinquin isca huani, —Farin, Gabaón amanaonri nitunhuun. Oshun machi rafu nushmancayan ahuun anu Aialón amanaonri nitunhuun, —ishon nannori Josué yononi.

1 Samuel 12:13

Ascafia oincapon. Natian nuno maton niaifo. Manfin Saúl catoanquin mato niaifo inon. Man yoca cuscan nocon Ifo Diosin mato niaifo inan.

1 Samuel 12:19

Ascashon Samuel yoiqui isca huanifo, —Nonfin nocon Ifo Diosi chaca huamisiquin. Nonfin chaca huaquin finacoinmisiquin. “Noco niaifo futsa catonshonhuun,” ishon non yoia. Natian nocon Ifo Diosi noco cufinshohuun. Min noco cufinshoyamaino non nai futsutiroquin, —ishon Israelifoan ratucoincaquin nannori Samuel yoinifo.

1 Samuel 2:10

Tsoan nocon Ifo Diosi noicasmaquin aqui chaca huaiton Diosin ato omitsiscamacoin. Diosin nan icanoshon ahuun tsain curush turuica nicatsa ato shatumashquin. Nocon Ifo Diosin nantifi manifoti anoafo ato yoipacushquin isharamisifo iyamarai chaca huamisifo. Nan Diosin catoan fusti ato niaifocoin iishquin. Diosin ahuun curush nan niaifo inain. “Nanfin mato niaifocoin. Uhuunshon mato iquiniran,” ishon nocon Ifo Diosi nan niaifohuunoa nantifi yorafo yoishquiran, —ishon Anapan cufini.

1 Samuel 7:5

Afanan Samuel Israelifo yoini isca huaquin —Uhuun yorafoan, nantifi Mizpa mai ano uqui fucahuun un mato nocon Ifo Diosi cufinshonon, —ishon Samuel ato yoini.

1 Samuel 8:6

—Noco niaifo futsa catonshohuun noco yononon, —ishon Samuel yoinifo. Nan nicatan Samuel ahuun nomuran shinancoinni. —Ascaracai sharamaran, —ishon shinanni. Ascashon nocon Ifo Diosi cufini.

1 Samuel 8:7

Nantian nocon Ifo Diosin Samuel isca huani, —Mia yoiafo cuscan ato nicahuun. Mia potapaitamarocon ua potapaicani un afanan ato niaifo inonma.