1 Samuel 11:11 - Sharanahua: Diospan Tsain

¹¹ Ascano iyoconaino Saúl Israelifo ahuun ranushumuafo ato nantifosi pashcanan huapani. Rafu non fusti manifo Amonitafo rutui fononfo. Amonitafoancai tapinifoma Saúl ahuun ranushumuafoya atoqui nocoriscatani. Ascashon nan shafatishon Israelifoan Amonitafo fari masafinin racano ato rutuquin cuyonifo. Nan ato rutuaifono Amonitafo ratucoincani pashcai futsunifo. Fusti rasi pashcai futsunifo.

1 Samuel 11:11 ပူးပေါင်းရင်းမြစ်များ

Génesis 22:14

Ascashon nanno anuni, —Non yopai cuscan Upa Diosin noco inanshquiran, —ishon anuni. Nantianri yoicani, —Nan machi Diosi ica arishon non yopai cuscan noco inantiroran, —ishon yoimisifo.

Salmos 46:1

Diosin no fu ishon noco cushushara. Ahuun curushu noco inain. Ahuara chaca non finoainnofin nan noco fu imisiquin noco ashoshquin.

Éxodo 14:24

Nan shafataima chiihuan nai murannoa nocon Ifo Diosin Egipciofo oiainno nan Egipciofo afi ranan furo romanifo Diosi ato imai cusca. Nan Egipcio ranushumuafo fasi ratucoincani icaifo cuscacai tsoan tapinima.

Santiago 2:13

Ascashon Diosin nantifi yorafo puashoshquin. Ascan niyoshon man futsafohuun ramapaipaonimacun Diosiri matohuunri ramapaishquima. Ascan niyoshon man futsafohuun ramapaipaonicun Upa Diosin matohuunri ramapaishquin. Ascashocai mato onaintimaima. Ascatama manrocon afu ipasharatiro.

1 Samuel 11:2

Nannori huaifoan nicaquin nan niaifo Nahas ato yoiquin isca huani, —Non nantifi maton furo ocuma futsa tsucashon manifoti anoa non ismai matohuunoa shinanquin isca huanonfo, “Nan Israelifocai ahuamaran,” ishon mato cashu mutsama huashquicaniran, —ishon niaifo Jabes Israelifo yoini.